O`zbekiston respublikasi oliy va o`rta maxsus ta’lim vazirligi toshkent kimyo-texnologiya instituti shahrisabz filiali «oziq-ovqat va funksional oziq-ovqat mahsulotlarini ishlab chiqarishda mahalliy xom ashyo resurslaridan foydalanish
Download 5.03 Kb. Pdf ko'rish
|
TKTI-Shahrisabz-konfrensiya-2022
- Bu sahifa navigatsiya:
- “Oziq-ovqat va funksional oziq-ovqat mahsulotlarini ishlab chiqarishda mahalliy xom ashyo resurslaridan foydalanish
- Qarshi muhandislik–iqtisodiyot instituti ass. Jonimqulov T.I. talaba. Murodova Zarnigor.
|
Foydalangan adabiyotlar 1. Лебедев А.Т. Масс-спектрометрия в органической химии. М.: БИНОМ. 2003. 493 с. 2. Calder, P.C., 2018. Very long-chain n-3 fatty acids and human health: fact, fiction and the future. Proc. Nutr. Soc. 77 (1), 52–72. 3. Candela, M., Astiasaran, I., Bello, J., 1998. Deep-fat frying modifies high-fat fish lipid fraction. J. Agric. Food Chem. 46 (7), 2793–2796. 4. Ioannou, I., Chekir, L., Ghoul, M., 2020. Effect of heat treatment and light exposure on the antioxidant activity of flavonoids. Processes 8 (9), 1078. “Oziq-ovqat va funksional oziq-ovqat mahsulotlarini ishlab chiqarishda mahalliy xom ashyo resurslaridan foydalanish muammolari” ilmiy-amaliy anjumani Shahrisabz-2022 yil 22-23 aprel 97 BUGUNGI KUNDA OZIQ-OVQAT MUAMMOSI VA INSON SALOMATLIGI Qarshi muhandislik–iqtisodiyot instituti ass. Jonimqulov T.I. talaba. Murodova Zarnigor. Oziq-ovqat xavfsizligini ta‘minlash bo‘yicha o‘tkazilayotgan xalqaro ekspert tadqiqotlari jahonda va uning ayrim mintaqalarida ushbu muammo bilan bog‘liq murakkab vaziyat yuzaga kelayotgani jiddiy tashvish va xavotir uyg‘otayotganini ko‘rsatmoqda. Bugungi kunda mazkur muammo jahon hamjamiyati uchun o‘ta dolzarb va jiddiy tahdidlar qatoriga kiritilmoqda. BMTning ―Oziq-ovqat va qishloq xo‘jaligi tashkiloti‖ hamda ―Jahon sog‘liqni saqlash tashkiloti‖ ma‘lumotlariga ko‘ra, hozirgi vaqtda dunyoda 840 milliondan ortiq kishi, ya‘ni deyarli har sakkiz odamning biri to‘yib ovqatlanmayapti, sayyoramiz aholisining 30 foizidan ziyodi to‘laqonli ravishda ovqatlanmayotganligi, eng asosiy mikroelement va vitaminlar yetishmasligi muammosini boshidan kechirmoqda. Ana shunday sabablar tufayli 160 milliondan ortiq bola bo‘yining o‘sishi, jismoniy va intellektual rivojlanishiga doir kamchiliklardan aziyat chekmoqda. Bu tafovut, avvalo, oziq-ovqat mahsulotlarini jadal ishlab chiqarish uchun tegishli sharoitlar mavjud bo‘lmagan mamlakat va hududlarda chuqurlashib bormoqda. Bu o‘rinda gap, birinchi navbatda, atrof-muhitning ekologik jihatdan buzilishi hamon davom etayotgani, iqlim o‘zgarishlarining oldindan aytib bo‘lmaydigan oqibatlari, tez-tez takrorlanayotgan qurg‘oqchilik va suv resurslari taqchilligi, jumladan, sug‘orish uchun yerosti suvlarining tugab borayotgani, irrigatsiya, melioratsiya va yerlarning unumdorligini qayta tiklashga yo‘naltiriladigan investitsiyalarning yetarli emasligi haqida bormoqda. Yerlarning ekologik jihatdan buzilishi kimyoviy moddalar, mineral o‘g‘it va pestitsidlarni tinimsiz ishlatish oqibatida yanada kuchaymoqda. Bularning qatoriga urbanizatsiya, ya‘ni shaharlashuv jarayonlari, aholining qishloqlardan shaharlarga ko‘chishi bilan bog‘liq muammolar ham qo‘shilmoqda. Natijada oziq-ovqat mahsulotlari yetishtirish uchun ekin maydonlari sezilarli darajada qisqarib ketmoqda. Shuningdek, Xitoy, Hindiston kabi Osiyoning bir qator mamlakatlarida aholi daromadlarining jadal sur‘atlar bilan ko‘payib, shunga mos ravishda oziqovqat mahsulotlarini iste‘mol qilish hajmi ortib borayotganini ham e‘tibordan soqit qilib bo‘lmaydi. Oziq-ovqat mahsulotlarini ―daladan dasturxonga‖ sxemasi bo‘yicha iste‘molchiga yetkazib berishda ulkan yo‘qotishlarga yo‘l qo‘yilmoqda. BMTning ―Oziq-ovqat va qishloq xo‘jaligi tashkiloti‖ ma‘lumotlariga ko‘ra, har yili dunyo bo‘yicha qariyb 1,3 milliard tonna miqdoridagi, salkam 1 trillion dollarlik oziqovqat mahsulotlari shu tariqa boy beriladi. Oziq-ovqat mahsulotlariga bo‘lgan me‘yordagi ehtiyojni aniqlashda mutanosib ratsion asosida ovqatlanishni ta‘minlash vazifasi faqat me‘yordagi kaloriyaga ega bo‘lgan va har kuni iste‘mol qilinadigan oziq-ovqat mahsulotlaridan iborat emasligini e‘tiborga olish o‘ta muhimdir. To‘laqonli ovqatlanish ko‘p jihatdan uning tarkibiga, iste‘mol qilinadigan oziqovqat mahsulotlarining insonning normal rivojlanishi va faoliyat yuritishi, uning organizmida to‘g‘ri modda almashinuvi, salomatlikni mustahkamlash, kasalliklarning oldini olish, keksayish jarayonini sekinlashtirish va umrni uzaytirish uchun zarur bo‘ladigan to‘yimli va sifatli moddalar bilan kerakli darajada ta‘minlanishiga bog‘liq. Bu borada ovqat bilan birga o‘rnini hech narsa bosolmaydigan aminokislotalar, vitaminlar, mineral moddalar, mikroelementlar va organizmda o‘z-o‘zidan hosil bo‘lmaydigan boshqa moddalarning ham iste‘mol qilinishi inson hayoti uchun eng muhim ahamiyatga egadir. Ana shu foydali moddalar, vitamin va mikroelementlar katta miqdorda faqatgina sabzavotlar, meva va uzum tarkibida bo‘ladi va ularning o‘rnini boshqa hech qanday mahsulot bosa olmaydi. Boshqacha aytganda, inson salomatligi, uning uzoq va barakali umr ko‘rishi to‘g‘ri va mutanosib ratsion asosida ovqatlanishni ta‘minlash bilan chambarchas bog‘liq ekani, meva va sabzavotlar uning eng muhim tarkibiy qismi bo‘lishi lozimligi hech kimga sir emas Biz mineral o‘g‘itlar, pestitsidlar va shu kabi vositalarning o‘rniga doimo qo‘llab kelayotgan va biz uchun ustuvor bo‘lgan organik o‘g‘itlardan foydalanishni afzal deb bilamiz. Boshqa kimyoviy vositalar qishloq xo‘jaligi zararkunandalariga qarshi kurashishda ishlatilishi mumkin. Lekin ulardan stimulyator, ya‘ni ekinni tez rivojlantiradigan vosita sifatida foydalanish umuman mumkin emas, chunki bu borada eng yaxshi, sinalgan vosita – bu organik o‘g‘itlardir. Jahon sog‘liqni saqlash tashkiloti ma‘lumotlari shundan dalolat beradiki, bugungi kunda rivojlanayotgan mamlakatlarda bir kishi uchun tavsiya etilgan kundalik 400 gramm o‘rniga juda kam |
