O‘zbekiston respublikasi oliy va o‘rta maxsus ta’lim vazirligi toshkent moliya instituti sh. Abdullaeva, M. Yuldashev
O‘zbekiston Respublikasining Prezidenti
Download 3.11 Mb. Pdf ko'rish
|
Ш.Абдуллаева Б.Ҳ ох
|
O‘zbekiston Respublikasining Prezidenti
O‘zbekiston Respublikasi Konstitutsiyasining 94-moddasiga muvofiq: «O‘zbekiston Respublikasining Prezidenti Konstitutsiyaga va qonunlarga asoslanib, hamda ularni ijro etish yuzasidan respublikaning butun hududida majburiy kuchga ega bo‘lgan farmonlar, qarorlar va farmoyishlar chiqaradi». SHuningdek, O‘zbekiston Respublikasining 2000 yil 14 dekabrdagi «Normativ- xuquqiy xujjatlar to‘g‘risida»gi qonunining 10-moddasida ham «O‘zbekiston Respublikasining Prezidenti Konstitutsiya va qonunlar asosida hamda ularni ijro etish uchun farmonlar shaklida normativ-xuquqiy xujjatlar qabul qiladi» deb qayd etilgan. O‘zbekiston Respublikasining Prezidenti bank-moliya,soliq, pul-kredit, valyuta sohasidagi islohatlarni yanada chuqurlashtirish, uning yo‘nalishlarini muvofiqlashtirish, umummamlakat miqyosidagi yuksak ahamiyatli masalalarni hal etish, davlat boshqaruv idoralari, mahalliy hokimiyat organlari tomonidan bajarilishi lozim bo‘lgan dolzarb vazifalarni belgilash yuzasidan farmonlar chiqaradi. O‘zbekiston Respublikasida bank-moliya tizimlarining shakllantirilishi va rivojlantirilishi, bank-moliya soxasidagi islohotlarni ro‘yobga chiqarilishida Prezident farmonlari juda muhim ahamiyatga ega bo‘ldi. Mustaqilligimizning dastlabki yillarida chiqarilgan farmonlarda iqtisodiy barqarorlikka erishish, inflyasiya jarayonlarini jilovlash, bank-moliya tizimini yuzaga keltirish, pul muomalasini mustahkamlash kabi vazifalar ilgari surilgan bo‘lsa, keyinchalik bank-moliya muassasalari faoliyatini bozor munosabatlariga moslashtirish, ular faoliyatini erkinlashtirish va barqarorlashtirish ustivorlik kasb etdi. So‘nggi yillarda chiqarilgan farmonlarda esa bank-moliya tizimlari soxasidagi islohotlarni yanada chuqurlashtirish, jahon ilg‘or tajribasini keng joriy etish va shu orqali makroiqtisodiy yuksalishni ta’minlash, valyuta munosabatlarini yanada erkinlashtirish vazifalari belgilab berildi. |
