“Kim uzoqqa otadi”
O‘yinga tayyorlanish. Bolalar maydon bo‘ylab yoyilib bir nechta (4-5 dona)
tennis koptokni oladilar. O‘yin sport zalda va maydonda o‘tkaziladi.
O‘yin tavsifi. Tarbiyachining ishorasiga ko‘ra dastlab pozitsiyaga birinchi
guruh bolalari turadilar. Quyidagi topshiriq beriladi: 3-4 m masofada turgan
kegliga tennis koptokni otish, ikkinchi chiziq 5-6 m va uchinchi chiziq 8-10 m.
Eng chaqqon o‘yinchilar ko‘rsatib o‘tiladi, shundan keyin ikkinchi guruh bolalar
kelib turadilar. O‘yin takrorlanadi.
“Tegib ketma”
O‘yinga tayyorlanish. O‘yin sport zalda yoki sport maydonchada o‘tkaziladi.
O‘yin tavsifi. Tarbiyachi oldindan topshiriqni tushuntirib, bir qator qilib
navbatma-navbat (3-4 dona) doiracha chiziladi yoki kegli qo‘yib chiqiladi,
ularning oralig‘i 50 sm bo‘ladi (5 ta doira chiziladi yoki 5 ta kegli qo‘yiladi).
O‘ynovchilar ikki komandaga bo‘linadilar, quyidagicha topshiriq beriladi:
buyumlarga tegib ketmay, tez o‘tish. Avval birinchi komanda, keyin ikkinchi
komanda bajaradi. Tegib ketilgan buyumlarning soni hisoblab chiqiladi. O‘yin 2-3
marta takrorlanadi.
“Ayoz” harakatli o‘yini
O‘yinga tayyorlanish. O‘yin sport zalda yoki sport maydonida o‘tkaziladi.
Maydonni qarama qarshi tomonidan ikkita uy belgilanadi, o‘yinchi ularning biriga
joylashadilar.
O‘yin tavsifi. Boshlovchi “Ayoz” maydonining o‘rtasida o‘yinchilar
tomoniga qarab turadi va tarbiyachining ishorasidan keyin shunday deydi:
“Qizil burun – Ayozman,
Qaysining buyruq qilasiz,
Yo‘lga chiqib bilasiz?”
O‘yinchilar xur bo‘lib javob qaytaradilar:
“Hech qo‘rqmaymiz do‘kdan
Ayozni olmaymiz tan!”
“Ayoz” so‘zi aytishi bilan bolalar maydonining ikkinchi tomonidan uyga
yugurib o‘tadilar, boshlovchi esa ularga еtib olib qo‘lini tekkizishga – muzlatib
qo‘yishga harakat qiladi. Muzlatganlar boshlovchining qo‘li tekkan joyda to‘xtab
qoladilar va yugurib o‘tish tugaguncha qimirlamay turadilar.
Tarbiyachi “Ayoz” bilan birgalikda “muzlatganlar”ni hisoblab chiqadi. Har
bir yugurib o‘tish tugagandan so‘ng yangi “Ayoz” tanlanadi. O‘yin tugagach, qaysi
boshlovchi “Ayoz” ko‘proq muzlatgani hisoblab chiqiladi.
Do'stlaringiz bilan baham: |
