“Kim tezroq”
Bolalar uch-to‘rt qator bo‘lib dastlabki chiziq oldida saflanadilar.
5 m oraliqda keglilar (komandalarning soniga qarab) qo‘yiladi, shundan keyin yana
bir chiziq (marra chizig‘i) chiziladi. Har bir o‘yinchida bittadan kichik to‘p bo‘ladi.
Birinchi bo‘lib turganlar tarbiyachisining ishorasiga ko‘ra ikki oyoqda
buyumgachan sakrab boradilar: so‘ngra to‘pni еrgan urib-urib, ikkinchi finish
chizig‘iga yurib boradilar, orqaga aylanib o‘yinchilarga yuz bilan turadilar.
Ikkinchi o‘yinchi sakrashni boshlaydi va hokazo. Topshiriqni tez va to‘g‘ri
bajargan bolalar (2 marta) o‘yinda yutib chiqadi.
“To‘pni devorga urib”
O‘yinchilarni bir guruhi devordan 3 m masofada turib to‘pni devorga uradi,
to‘p еrga tushib sakrab chiqqach, ikki yoki bir qo‘llab ushlab oladi. Har bir
o‘yinchi topshiriqni erkin sur’atda bajaradi. Ikkinchi guruhdagi bolalar to‘pni o‘ng
yoki chap qo‘l bilan urib yuradilar.
“Quvlashmachoq” harakatli o‘yini
O‘yinga tayyorlanish. Bolalar maydonining bir tomonidan chiziq orqasida
turadilar. Maydonning ikkinchi tomoniga ham chiziq chizilgan, maydonning yon
tomonidan tutib oluvchi turadi.
O‘yin tavsifi. Tarbiyachining “Bir, ikki, uch – yugur!” degan so‘ziga ko‘ra,
bolalar bir tomondan ikkinchi tomonga yugurib o‘ta boshlaydilar, tutib oluvchilar
esa ularning chiziqni bosib o‘tgunlariga qadar tutishga (qo‘l tekizishga) harakat
qiladi. Ushlaganlar hisoblab chiqiladi va o‘yin takrorlanadi. Bolalar ikki-uch marta
yugurib o‘tganlaridan keyin epchil chiqqan, biron marta ham tutilmagan boshqa
tutuvchi tayinlanadi.
“Bayroqchaga kim tez boradi”
O‘yinga tayyorlanish. Bolalar uch qatorga teng bo‘linadilar. Dastlabki
chiziqdan 2 m nariga gardish qo‘yiladi, chizimcha ham tortishi mumkin (poldan
50 sm balandlikda), shundan yana 3 metr nariga taglikli bayroqcha qo‘yiladi.
O‘yin tavsifi. Tarbiyachining ishorasiga binoan yoy yoki gardish tagidan
o‘tish, yugurib kelib, o‘z qatorining oxiriga borib turib olish topshirig‘i beriladi.
Tarbiyachi har bir qatordagi topshiriqni tez va to‘g‘ri uddallagan bolani hisobga
olib boradi, o‘yin tugagach, ko‘p ochko to‘plagan komandani aytadi.
61
Do'stlaringiz bilan baham: |
