O‘zbekistonning eng yangi tarix fanining nazariy va metodologik asoslari

4-seminar mashg‘uloti mavzusi: Islom Karimov – mustaqil O‘zbekistonning Birinchi Prezidenti.
TAYANCH IBORALAR:
Mustaqillik, mustaqil davlat, referendum, O‘zbekiston Respublikasining Davlat mustaqilligi to'g'risida Oliy Kengash Bayonoti, O‘zbekiston Respublikasining davlat musta­qilligi asoslari to'g'risida" Qonun, xalqning asriy orzusi, O’zbekistonning o’z yo’li, mustaqillikni mustahkamlash, I.Karimovning tarixiy xizmatlari, I.Karimov xotirasini abadiylashtirish


TAVSIYA ETILADIGAN ADABIYOTLAR:
1.Каримов И.А. Ўзбекистон мустақилликка эришиш остонасида. – Тошкент: Ўзбекистон, 2011.
2.Мустакил Ўзбекистан тарихининг дастлабки сахифалари. - Тошкент, 2000.
3.Мустақиллик: Изоҳли илмий-оммабоп луғат // М.Абдуллаев ва бошқалар: тўлдирилган учинчи нашр. - Тошкент: Шарқ, 2006.
4.Мустақил Ўзбекистон тарихи. Масъул муҳаррир А.Сабиров. - Тошкент: Академия, 2013.
5.Новейшая история Узбекистана. Руководителъ проекта и редактор: М.А.Рахимов. - Тошкент: Адабиёт учқунлари, 2018.
6.Азизхўжаев А.А. Мустақиллик: курашлар, изтироблар, қувончлар. - Тошкент: 2001.
7.Ўзбекистон мустақиллик йилларида. - Тошкент: Ўзбекистон, 1996.
8.Ўзбекистон тарихи (1917-1991 йиллар). 2 том. Масъул муҳаррирлар: Р.Абдуллаев, Қ.Ражабов, М.Раҳимов. - Тошкент: Ўзбекистон, 2019.
9.Юнусова Х. Ўзбекистонда миллатлараро муносабатлар ва маънавий жараёнлар (ХХ аср 80-йиллари мисолида). - Тошкент: Аbu matbuot- konsalt, 2009.


АХБОРОТ МАНБААЛАРИ:

1. 
   www.ziyonet.uz.
   
2. 
   www.edu.uz.
   
3. 
   www.google.uz.
   
4. 
   www.gov.uz.
   

4- MAVZU:Islom Karimov – mustaqil O‘zbekistonning Birinchi Prezidenti.
REJA:

1.Islom Karimov hayot yo’li

2.Islom Karimov mustaqil O’zbekistonning birinchi prezidenti
3.Islom Karimov olib borgan islohotlar
O‘zbekistonning Birinchi Prezidenti Islom Karimov oilasida 8 farzand bo‘lgan. Ularning eng kattasi Mehriniso Karimova hozir 98 yoshda.Otasi: Abdug‘ani Karimov, 1894-yilda tug‘ilgan. Onasi: Sanobar Karimova 1902-yilda tug‘ilgan.Aka-ukalari: Mehriniso Karimova, Omonulla Karimov, Ibodulla Karimov, Islom Karimov, Xurshid Karimov, Ikrom Karimov, Quddus Karimov, Arslon Karimov.Rafiqasi: Tatyana KarimovaFarzandlari: Pyotr Karimov (Nataliya Kuchmi - onasi), Gulnora Karimova, Lola Karimova (Timur Tillayev - turmush o‘rtog‘i),Nevaralari: kichik Islom Karimov, Imon Karimova, Maryam Tillayeva, Umar Tillayev, Safiya Tillayeva.

Islom Karimov mehnat faoliyatini 1960-yilda Toshkent qishloq xo‘jalik mashinasozligi zavodida boshlagan. 1961-yildan 1966-yilgacha V.P.Chkalov nomidagi Toshkent Aviatsiya ishlab chiqarish birlashmasida muhandis, еtakchi muhandis-konstruktor bo‘lib ishladi.

1966-yilda O‘zbekiston SSR Davlat plan komitetiga ishga o‘tib, bosh mutaxassislikdan respublika Davlat plan komiteti raisining birinchi o‘rinbosarigacha bo‘lgan yo‘lni bosib o‘tdi.
1983-yilda Islom Karimov O‘zbekiston SSR Moliya ministri, 1986-yilda O‘zbekiston SSR Ministrlar Soveti Raisining o‘rinbosari, respublika Davlat plan komitetining raisi etib tayinlandi.
1986—1989-yillar mobaynida Qashqadaryo viloyat partiya komitetining birinchi kotibi, 1989-yilning iyunidan boshlab O‘zbekiston Kompartiyasi Markaziy Komitetining birinchi kotibi lavozimlarida ishladi.
1990-yil 24-mart kuni O‘zbekiston SSR Oliy Kengashining sessiyasida Islom Karimov O‘zbekiston SSR Prezidenti etib saylandi.
1991-yil 31-avgust kuni Islom Karimov tarixiy voqea — O‘zbekiston Respublikasining davlat mustaqilligini e’lon qildi.
1991-yil 29-dekabrda muqobillik asosida o‘tkazilgan umumxalq saylovida Islom Karimov O‘zbekiston Respublikasi Prezidenti etib saylandi.
1995-yil 26-martda bo‘lib o‘tgan umumxalq referendumi yakunlariga ko‘ra, Islom Karimovning prezidentlik vakolati 2000-yilga qadar uzaytirildi.
2000-yil 9-yanvarda muqobillik asosida o‘tgan saylov natijalariga ko‘ra, Konstitutsiyaga kiritilgan o‘zgarishlarga muvofiq, Islom Karimov 7 yil muddatga O‘zbekiston Respublikasi Prezidenti etib saylandi.
2007-yil 23-dekabrida muqobillik asosida o‘tgan saylov natijalariga ko‘ra, Islom Karimov 7 yil muddatga O‘zbekiston Respublikasi Prezidenti etib saylandi.
2015-yil 29-mart kuni muqobillik asosida O‘zbekiston Respublikasi Prezidenti saylovi bo‘lib o‘tdi. Uning natijalariga ko‘ra Konstitutsiyaga kiritilgan o‘zgarishlarga muvofiq Islom Karimov 5 yillik muddatga mamlakatning oliy lavozimiga saylandi.
Islom Karimov suveren va mustaqil O‘zbekistonni barpo etish, xalqparvar demokratik huquqiy davlat yaratish, fuqarolar tinchligi va milliy totuvlikni ta’minlash ishiga qo‘shgan ulkan hissasi hamda bu borada matonat va jasorat ko‘rsatganligi uchun “O‘zbekiston Qahramoni” unvoni, “Mustaqillik” va “Amir Temur” ordenlari bilan taqdirlangan.
Shuningdek, u bir qancha xorijiy davlatlar va nufuzli xalqaro tashkilotlarning orden-medallari bilan ham mukofotlangan.
Islom Abdug‘aniyevich Karimov 2016-yil 2-sentabrda 78 yoshida vafot etdi.

O’zbekiston davlat mustaqilligining e`lon qilinishi va uning tarixiy ahamiyati. Markaz va respublikalar o`rtasidagi munosabatlar tobora taranglashib, markaz boshqaruv qobiliyatini yo`qotgan, har bir mintaqa, har bir respublika o`z holiga tashlab qo`yilgan bir sharoitda tarixiy vaziyatni to`gri baholay bilish qobiliyatiga ega bo`lgan O’zbekiston Respublikasi Prezidenti I. Karimov Oliy Kengash sessiyasini chaqirish va unda O’zbekiston Mustaqilligi haqida Qonun qabul qilishni talab qildi.

Oliy Kengash sessiyasi «O’zbekiston Respublikasining davlat mustaqilligini e`lon qilish to’g’risida» qaror qabul qilindi. Mazkur qarorda:
1. Respublikaning davlat mustaqilligi to’g’risidagi Oliy Kengash bayonoti tasdiqlansin va respublika bundan buyon O’zbekiston Respublikasi deb atalsin;
2. 1 sentyabr O’zbekiston Respublikasining Mustaqillik kuni deb belgilansin va 1991-yildan boshlab bu kun bayram va dam olish kuni deb e`lon qilinsin, deb qatiy belgilab qoyildi.
«O’zbekiston Respublikasining davlat mustaqilligi asoslari to’g’risida»gi qonun g`oyat katta ahamiyatga ega bo`lib, bu qonun asosida O’zbekistonning huquqiy holati tubdan o`zgardi. O`z mohiyatiga kora bu hujjat respublika uchun vaqtincha konstitusiya rolini ham o`ynaydigan bo`ldi. 17 moddadan iborat ushbu qonun suveren O’zbekiston Respublikasining asosiy belgilarini aniqlab berdi. Qonunning birinchi moddasida: «O’zbekiston Respublikasi o`z tarkibidagi Qoraqalpogiston Respublikasi bilan birga, mustaqil, demokratik davlatdir», - deb qonunlashtirib qo`yildi.
Bunday Qonunning qabul qilinishi Mustaqillik davrida qo`lga kiritilgan yutuqlarning natijasi hisoblanadi. Bu esa huquqiy, iqtisodiy hamda ma`naviy-axloqiy munosabatlar natijasi sifatida muhim ahamiyatga ega. Shuning uchun ham mazkur Qonunga O’zbekiston Respublikasi Oliy Kengashining 1991-yil 30-sentabrda bolib otgan VII sessiyasida qabul qilingan qarori bilan Konstitusiyaviy Qonun maqomi berildi. Jumladan, unda shunday deyiladi:
1. «O’zbekiston Respublikasining Davlat mustaqilligi asoslari to’g’risida» 1991-yil 31-avgustda qabul qilingan O’zbekiston Respublikasining Qonuniga konstitusiyaviy maqom berilsin.
2. O’zbekiston Respublikasining amaldagi Konstitusiyasi moddalariga «O’zbekiston Respublikasining Davlat mustaqilligi asoslari to’g’risida»gi Qonunning moddalariga zid kelgan hollarda mazkur Qonunga amal qilinsin», - deb belgilab qo`yildi.
Shu tariqa, xalqimizning asriy orzusi, umidlari ushaldi, royobga chiqdi. Uzoq yillar davom еtgan kurash natijasida mamlakatimiz, xalqimiz siyosiy mutelikdan, asoratdan qutuldi. Dunyo xaritasida yana bitta mustaqil davlat - O’zbekiston Respublikasi paydo boldi. O’zbekiston tarixida yangi davr - milliy istiqlol davri boshlandi. O’zbekiston uchun mustaqil ichki va tashqi siyosat yuritish, xalqimiz uchun oz taqdirini o`zi belgilash, o`zlari uchun munosib turmush yaratish imkoniyati vujudga keldi.
Umumxalq referendumi O’zbekiston erishgan istiqlolni mustahkamlash uchun, avvalo, xalqning fikrini bilish, mustaqillikka munosabatini aniqlash zarur edi. Shu maqsadda 1991-yilning 18-noyabrida O’zbekiston Respublikasi Oliy Kengashining VIII sessiyasi «O’zbekiston Respublikasi referendumini o`tkazish to’g’risida» qaror qabul qildi. Qarorda quyidagilar belgilandi:
1. 1991-yil 29-dekabr, yakshanba kuni O’zbekiston Respublikasining Davlat mustaqilligi to’g’risidagi masala boyicha O’zbekiston Respublikasining referendumi otkazilsin.
2. Referendumda ovoz berish byulleteniga masala quyidagi tarifda kiritilsin: «O’zbekiston Respublikasi Oliy Kengashi tomonidan e`lon qilingan O’zbekiston Respublikasining davlat mustaqilligini ma`qullaysizmi!»
Referendumga katta tayyorgarlik ko`rildi. Referendumni uyushqoqlik bilan otkazish maqsadida Markaziy saylov komissiyasi, 13 okrug, 7 ming uchastka saylov komissiyalari tuzildi. 1991-yil 29-dekabr kuni bolib o`tgan referendumda 9 million 898 ming 707 kishi yoki saylov ro`yxatiga kiritilganlarning 94,1% qatnashdi. Ularning 98,2% referendumda qoyilgan savolni maqullab ovoz berdi. Demak, O’zbekistonning Davlat mustaqilligi umumxalq tomonidan yakdillik bilan maqullandi. Shuni ta`kidlash lozimki, referendum butun respublika hududida qonun asosida tashkiliy jihatdan uyushqoqlik, fuqarolarning yuksak siyosiy faolligi bilan o`tdi. Buni referendumda AQSh, Turkiya, Malayziya va boshqa mamlakatlardan kelgan mustaqil kuzatuvchilar ham tasdiqladilar.
Islom Karimov O’zbekistonning birinchi Prezidenti: O’zbekiston mustaqillikka erishgandan keyin davlat boshqaruvining yangi, zamonaviy va samarali tizimi Prezidentlik respublika boshqaruvi shakli rivojlantirishga kirishildi. Respublikasi Oliy Kengashining 1991-yil 18 noyabrdagi VIII sessiyasida umumxalq referendumini o`tkazish qarori bilan birga «O’zbekiston Respublikasi Prezidenti saylovi to’g’risida»gi Qonuni, shuningdek, «O’zbekiston Respublikasi Prezidenti saylovini tayinlash to’g’risida» qaror qabul qilindi va O’zbekiston Respublikasi Prezidenti saylovi 1991-yil 29-dekabr, yakshanba kuniga belgilandi. Saylovga jiddiy tayyorgarlik korilib, 13 ta okrug va qariyb 7 mingta uchastka saylov komissiyalari tuzildi. Oliy lavozimga ikki nomzod - O’zbekiston XDP va O’zbekiston kasaba uyushmalari Federasiyasi nomzodi I.A.Karimov va «Erk» Demokratik partiyasi vakili Saloy Madaminov (Muhammad Solih) nomzodi qoyildi.
1991-yil 29-dekabrda bolib o`tgan saylovlar yakuniga kora 8 million 514 ming 136 ovoz yoki ovoz berishda qatnashganlarning 86 foizi Islom Karimov nomzodini, million 220 ming 474 saylovchi (12,3%) Saloy Madaminov nomzodini yoqlab ovoz berdi.
1991-yil 30-dekabrda Markaziy saylov komissiyasi okrug komissiyalari majlis bayonlarini korib chiqib, O’zbekiston Respublikasi Prezidenti saylovi to’g’risidagi qonunning 35-moddasiga asosan Islom Abduganiyevich Karimovni O’zbekiston Respublikasi Prezidenti lavozimiga saylangan deb hisoblashga qaror qildi. Shunday qilib mamlakatimizda birinchi marta yashirin ovoz berish yo’li bilan o’tkazilgan to`g`ridan to`g`ri umumiy va alternativ asosdagi saylovda I.A.Karimov 5 yil muddatga O’zbekiston Respublikasi Prezidenti etib saylandi.
O’zbekiston Respublikasi Oliy Kengashining 1992-yil 4-yanvarda bo`lgan navbatdan tashqari IX sessiyasida Prezident Islom Karimov qasamyod qildi.
1995-yil 26-martda O’zbekiston Respublikasi Oliy Majlisi qaroriga muvofiq O’zbekiston Respublikasi Prezidentining vakolat muddatini 1997-yildan 2000-yilgacha uzaytirish masalasi bo`yicha umumxalq referendumi bo’lib o’tdi. Unda 11 mln. 245 028 kishi yoki ovoz berish huquqiga ega bolgan fuqarolarning 99,3% ishtirok etdi.
«O’zbekiston Respublikasi Prezidentining vakolat muddatini 1997-yildan 2000-yilgacha uzaytirishga siz rozimisiz» degan savolga 11 mln. 199 ming 415 kishi yoki ovoz berishda qatnashganlarning 99,6% ijobiy javob berdi.
Shunday qilib, mamlakat fuqarolarining mutlaq kopchiligi O’zbekiston Respublikasi Prezidenti I.A.Karimovning vakolat muddatini 2000 yilgacha uzaytirishni maqulladilar va referendum natijalari Markaziy saylov komissiyasi qarori hamda O’zbekiston Respublikasi Oliy Majlisining tegishli qarori bilan mustahkamlandi.
O’zbekiston Respublikasi Oliy Majlisining 1999-yil 19-20-avgust kunlari bo`lib o`tgan XV sessiyasi I.A. Karimovning Prezidentlik vakolati muddati 1999-yil oxirlarida tugashini e`tiborga olib, 2000-yil 9-yanvarda O’zbekiston Respublikasi Prezidenti saylovini o`tkazishga qaror qildi. Markaziy saylov komissiyasi O’zbekiston «Fidokorlar» milliy demokratik partiyasi nomzodi Islom Abduganiyevich Karimovni hamda O’zbekiston Xalq demokratik partiyasidan ko`rsatilgan Abdulhafiz Jalolovni Prezidentlikka nomzod etib ro`yxatga oldi, yashirin ovoz berish byulleteniga kiritdi. 2000-yil 9-yanvarda muqobillik va demokratik tamoyillar asosida O’zbekiston Respublikasi Prezidenti saylovi bo’lib o’tdi. Saylovda ro`yxatga olingan saylovchilarning 95,10 foizi, 12 mln. 123 ming 199 saylovchi qatnashdi. Saylovda qatnashganlarning 91,90 foizi Islom Karimov uchun, 4,17 foizi A. Jalolov uchun ovoz berdi. 3,93 foiz byulleten haqiqiy emas deb topildi.
O’zbekiston Respublikasi Markaziy saylov komissiyasi Islom Abduganiyevich Karimovning O’zbekiston Respublikasi Prezidenti lavozimiga saylanganligi to’g’risida qaror qabul qildi. I.A. Karimovning ikkinchi bor O’zbekiston Respublikasi Prezidenti etib saylandi.Malumki, 2002-yil 27-yanvarda o’tkazilgan umumxalq referendumi natijalariga hamda uning asosida O’zbekiston Respublikasining 2003-yil 24-aprelda qabul qilingan Qonuniga kora O’zbekiston Respublikasi Konstitusiyaga o`zgarishlar kiritildi.
2007-yil 23-dekabrida muqobillik asosida o`tgan saylov natijalariga ko`ra, I.A.Karimov 7-yil muddatga O’zbekiston Respublikasi Prezidenti etib saylandi. .Bu uning mustaqillik yillarida yuritgan ichki va tashqi siyosatining umumhalq tomonidan ma`qullanishi va qo`llab-quvvatlanishi, mamlakat barcha aholisining unga bo`lgan tola ishonchidan guvohlik beradi.O’zbekistonning davlat mustaqilligiga erishuvida mamlakat xavfsizligining mustahkamlanishida va jahon hamjamiyatida obro-e`tiborining ortib borishida I.Karimovning hissasi kattadir. Xulosa
• Istiqlol yillarida mustaqillik, hurriyat degan sozlar butun jozibasi bilan birga beqiyos qudratni, buyuk o`zgartiruvchilik mo`jizasini korsatdi.
• Mustaqillik sharofati bilan o`zbek halqi dunyoga kengroq va tiyrakroq nazar bilan qarashni, bu ko`hna olamda Sho`ro tizimidan boshqa adolatli tizimlar ham borligini, kommunistik mafkuradan bo`lak ezgu g`oyalar ham borligini, inson qadri-qimmatini himoya qiladigan mezonlar ham mavjudligini angladi.
• Mustaqillik yillarida ona Vatanimiz – O’zbekiston jahon hamjamiyatiga qo`shildi. Dunyodagi yirik rivojlangan mamlakatlar bilan siyosiy-diplomatik, iqtisodiy, madaniy aloqalar o’rnatildi, O’zaro manfaatli aloqalar tobora kengayib bormoqda. O’zbekiston halqaro muammolarni hal etishdagi qatiy siyosati va amaliy faoliyati bilan halqaro maydonda obro-e`tibor qozonmoqda.

5-seminar mashg‘uloti mavzusi: O‘ZBEKISTONNING O‘ZIGA XOS ISTIQLOL VA TARAQQIYOT YO‘LI