Озик-овкат товарлари сифат экспертизаси-дарслик doc

 
Takrorlash uchun savollar: 
 
www.sies.uz
Page 11 of 306 

---

12
1. Ekspertiza nimani anglatadi? 
2. Ekspertiza turlarini aytib bering. 
3. Oziq-ovqat tovarlari ekspertizasining asosiy vazifalari nimalar? 
4. «Oziq-ovqat mahsulotining sifati va xavfsizligi to‘g‘risida»gi Qonunining asosiy 
maqsad va ahamiyatini tushuntirib bering. 
5. Oziq-ovqat mahsulotlarining sifatini va xavfsizligini ta’minlashga qaratilgan 
yana qanday qonunlarni bilasiz? 
6. Oziq-ovqat tovarlari sifat ekspertizasi fanining asosiy tamoyillarini tushuntirib 
bering. 
www.sies.uz
Page 12 of 306 

---

13
1-BO‘LIM. DON, UN, YORMA, NON VA MAKARON
MAHSULOTLARINING SIFAT EKSPERTIZASI 
 
Mamlakatimiz mustaqilligiga qadar qishloq xo‘jaligi bir yoqlama 
rivojlantirilgan bo‘lib, paxta yakkahokimligi mavjud edi. Respublikamizda mo‘l va 
sifatli oziq-ovqat mahsulotlari yetishtirish imkoni bo‘la turib, asosiy qishloq 
xo‘jaligi mahsulotlari, jumladan don va don mahsulotlari chetdan olib kelinardi. 
1991 yilda 485,1 ming gektarga bug‘doy ekilib, atigi 576,3 ming tonna hosil 
olingan, xolos. 
Mustaqillikning birinchi yillaridanoq aholining g‘allaga bo‘lgan talabini 
qondirish maqsadida paxta yakkahokimligiga barham berilib, paxtadan bo‘shagan 
maydonlar hisobiga g‘allazorlarni kengaytirish va shu asosda mamlakatning g‘alla 
mustaqilligini ta’minlash dasturi ishlab chiqiladi. Buning samarasi o‘laroq 2008 
yilda mamlakatimizda 6 mln 175 ming tonna g‘alla yetishtirildi. 
Shuni ta’kidlash joizki, mamlakatimizda g‘alla ekinlari maydonini 
kengaytirish, hosildorligini oshirish hisobiga g‘alla yetishtirishni ko‘paytirish bilan 
bir qatorda uning sifatini oshirishga ham alohida e’tibor qaratilmoqda. Xususan, 
bugungi kunda asosiy maydonlarga g‘allaning serhosil, oqsilga boy, tezpishar, 
nonboplik xususiyatlari yuqori bo‘lgan Kroshka, Polovchapka, Kupava, Umanka, 
Krasnoder-99 navlari hamda mahalliy Chillaki, Hosildor, Do‘stlik, G‘ayrat, Bobur, 
Zamin-1, Andijon-1 navlarining ekilayotganligi va agrotexnika tadbirlarining ilmiy 
tavsiyalar asosida tashkil qilinayotganligi buning yaqqol namunasidir. Shu sababli 
ham don va don mahsulotlari sifat ekspertizasini o‘tkazish bugungi kunning 
muhim masalalaridan biri sanaladi.