Патологик физиология

Оқсил алмашувининг бузилиши.
Жигар етишмовчилигида биринчидан оқсилни ва бошқа азот тутувчи моддаларни (холин, глютатион, таурин, этаноламин) аминокислоталардан синтези бузилади, иккинчидан аминокислоталарни дезаминланиш, трансаминланиш, декарбоксилланиш жараёнлари бузилади ва учинчидан сийдикчилни синтези бузилади.
Жигар шикастланишида бу органни оқсил синтез қилиш функциясининг (альбуминлар, глобулинлар, фибриноген, протромбин синтези) бузилиши дис: ва гипопротоинемияга олиб келади. Қонни альбуминларининг синтезини бузилиши бошида деярли гипопротеинемия билан намоён бўлмай, балки диспротеинемияга сабабчи бўлади, натижада альбумин (глобулин коэффицентининг пасайиши юзага келади. Жигарни оғир шикастланишида альбумин) глобулин коэффиценти 1 га яқин ва хатто ундан хам кам бўлиши мумкин нормада у 2 – 2,5 га тенг). Жигар касалликлари фақат альбуминлар миқдорининг камайиши билан эмас, балки γ – глобулинларнинг миқдорини нисбий ва мутлоқ кўпайиши билан хам кечади. Бу холатни узоқ вақт гипоальбуминемия ва гипопротеинемияга
компенсатор жавоб сифатида – глобулинлар синтези (бу жараён лимфатик тўқима ва суяк ёрдамида содир бўлади) нинг кучайиши билан боғлиқ эди. Бироқ хозирги вақтда γ – глобулинларни синтезини кучайиши жигарнинг шикастланиши туфайли содир бўладиган аутоиммун жараёнлар билан боғлиқ деган фикр маъқулланмоқда. Бу фикрга кўра, шикастланган жигарда γ – глобулинлар сони ва сифат жихатдан ўзгарган глобулинлар – парапротеинлар синтези бўлиши мумкин.
Жигарда оқсил синтези бузилиши гипопротеинемияни янада зўрайишига олиб келади, натижада қоннинг онкотик босими пасаяди ва Эдема пайдо бўлишининг омилларидан бири ҳисобланади. Шунингдек жигар тўқимасининг ўзида хам оқсил камаяди. Оқсил синтезининг бузилиши жигар етишмовчилигининг дастлабки аломатларидан саналади.
Жигар касалликларида қоннинг ивиш системасининг омилларини фибриноген ва протромбин кабиларнинг синтези хам камайганлиги сабабли геморрагик синдром пайдо бўлади.
Жигарнинг оқсилларини кўпчилиги фермент оқсиллардан иборат бўлганлиги учун жигар касалликларида кўп ферментларнинг фаоллиги камаяди. Чала туғилган болаларда маълум даражадаги гипопротеинемия ва гипоальбуминемия кузатилади.
Чақалоқлар ва ёш гўдаклар, вақтидан эрта туғилган болаларда жигар ферментлари фаоллигини маълум даражадаги етишмовчилиги учрайди.
Жигар хужайраларининг шикастланиши уларда АТФ ва пиридин нуклеотидларни миқдорини камайиши билан кечади ва оксидланувчи дезаминланиш, қайтадан аминланиш, декарбоксилланиш жараёнларининг бузилишига олиб келади. Бунинг оқибатида аминокисталарнинг биоген аминларни хосил бўлиши ва парчаланиши бузилади. Шу сабабли жигар касалликларида қонда аминокислоталарнинг миқдори кўпаяди. (аминоацидамид) ва аминокислоталар сийдик билан ажрала бошлайди (аминоацидурия). Аминоацидурия яна жигар тўқимасида хам кузатилиши мумкин.Жигар хужайраларининг емирилиши баъзи ферментларнинг купайиши ёки пайдо бўлишининг сабабчисидир (трансаминазалар, дегидрогненазалар – пируватдегидрогеназалар, лактадегидрогеназа, глутаматдегидрогеназа ва бошқалар).
Гиперферментемия биринчидан жигар некрозида ферментларни қонга “ажралиши” билан боғлик бўлса, иккинчидан гепатоцидларнинг мембранасининг ўтказувчанлиги ортиши билан боғлиқ. Қонда ишқорий фосфатаза ферментининг фаоллигини ошириши бунинг далилидир. Жигарда сийдикчилни синтези бузилади, шу туфайли қонда аммиакнинг миқдори ортиб, у айниқса нерв системасига токсик таъсир кўрсатади. Жигар касалликларида унда юқори (80 – 100) даражага етмаган азотемия пайдо бўлади. Қоннинг қолдиқ азотини купайиши аминокислоталар ва аммиакнинг бирикмалари хисобига бўлади. Айни шу пайтда сийдикчилга тегишли азот эса камаяди.
Жигарнинг оғир етишмовчилиги, айниқса жигарнинг ўткир токсик дистрофияси суткалик сийдикдаги сийдикчилни 0,5 гр камайишига сабаб бўлади.Клиник ва экспериментал кузатишларнинг кўрсатишича оқсил алмашинувининг бузилиши жигар етишмовчилигининг хамма даврларида ошкор қилиниши мумкин. Бошланғич даврда оқсил синтезининг сифат ўзгаришлари (парапротеинемия) ни аниқлаш мумкин. Жигар функциясининг жиддийроқ бузилиши оқибатида гипоальбуминемия ва гипопротеинемия пайдо бўлади. Жигар етишмовчилигининг оғир шаклларида унда дезаминланиш ва сийдикчилни синтезланиш жараёнлари бузилади ва қон зардобида аминокислоталар ва аммиакнинг миқдори тобора кўпая боради. Жигарнинг оқсил алмашинувининг имкониятлари (захираси) унинг карбонсувлар алмашинувидаги кўрсаткичидан кутидан камдир. Жигар етишмовчилигида оқсил ёки аммоний тузларидан ортиқча юбориш жигар комасига олиб келиши мумкин.