«Pedagogika hám psixologiya» bakalavr tálim baǵdarı 4-g- kurs talabasınıń pedagogika hám psixologiya pánlerin oqíTÍw metodikasí páninen

Sistemalı jantasıw — ilimiy biliw metodologiyasi hám pedagogikalıq ámeliyattıń bir baǵdarı retinde universal minezlemege iye. Ol pedagogikada keń qollanıladı. «Sistemalı jantasıw» túsinigi, kóbirek «sistemalı metod», «sistemalı analiz usılı» túsinikleri menen ajıralmaǵan jaǵdayda túsiniledi. Sebebi sistemalı analiz usılları da obiektti pútin sistema retinde úyreniwdi názerde tutadı. Sistemalı jantasıw dúzılıw wazıypasına kóre atqarılatuǵın analizge júdá jaqın. Sistemalı analizdiń obiekti pútin zat yamasa hádiyse esaplanadı. Ol obiekttiń túrli bólimlerin, bólimlerdiń óz-ara tıǵız baylanıslılıǵın, sistemanıń shegaraların hám sistemanıń dógerek-átirap penen baylanıslılıǵın kózde tutadi. Bul sistemada bir qansha qaǵıyda hám principlar kompleksinen paydalanıladı. Olar izertlewshilik hám ámeliy iskerlikte joqarı nátiyjelerge erisiw múmkinshiligin jaratadı.
Texnologiyalıq jantasıw. Texnologiya - tayar ónim alıw ushın islep shıǵarıw processlerinde qollanılatuǵın usıl hám metodlar kompleksi bolıp, sonday usıl hám metodlardı islep shıǵıwshı hám rawajlandırıwshı pán retinde táriyplenedi. Texnologiyanıń ayriqsha ózgesheligi sonnan ibarat, ol jaǵdayda oqıw maqsetlerine erisiwdi kepillikleytuǵın oqıw procesi joybarlanadı hám ámelge asıriladı. Texnologiyalıq jantasıw, eń aldı mene súwretlew emes, al joybarlastırılǵan nátiyjelerdi ámelge asırıw imkaniyatın beretuǵın ámeliy kórsetpeli strukturada óz túsinigin tabadı.
Tálimge texnologiyalıq jantasıw oqıw procesin óz-ara ajıralmas baylanıslı etaplar hám ámellerge ajıratıwdı hám bólıwdi; tálimnen gózlengen nátiyjege erisiw ushın atqarılatuǵın háreketlerdi muwapıqlastırıw, basqıshpa-basqısh ámelge asırıwdı; joybarlastırılǵan jumıs hám ámellerdiń barlıǵın birdey tárizde orınlawdı názerde tutadı. Qayta tákirarlanıw ózgesheligi sebepli bul sistema modul formasına
iye bolıp, mazmunlar menen tolıqtırılǵan hám ulıwma quramǵa baylanısqan birlikler yaǵnıy oqıtıwdıń ulıwma maqseti hám mazmunı, oqıw maqseti, oqıtıw hám bahalaw jıynamalaridan dúziledi. Ámelde bul pedagogdıń qayta -qayta tákirarlanıwı háreketiniń algoritmı esaplanadı. Bul algoritmnıń jańa bólimlerde qollanıwı oqıw procesi kólemin óz ishine aladı.
Oqıtıw procesin pedagogikalıq texnologiya tiykarında shólkemlestiriwdiń joybarlaw basqıshında, jetekshi pedagoglardan pedagogikalıq texnologiyanıń nızam -qaǵıyda hám principlerı tiykarında stilistikalıq buyımlardı islep shıǵıw waqtında joqarılaw ilimiy tájriybe talap etiledi. Joybar tayın bolǵannan keyin pedagog tiykarınan shólkemlestiriwshi hám máslahátshi wazıypaların atqaradı.
Bul jantasıw tiykarınan, reproduktivlik oqıtıwǵa tán bolıp tabıladı. Reproduktivlik oqıtıw tipikalıq jaǵdaylarda qandayda bir jumıs-háreketti aldın bilip alınǵan qaǵıydalar tiykarında orınlaw bolıp tabıladı. Reproduktivlik dáreje ushın pedagogikalıq texnologiya usılında tálim qayta islep shıǵılatuǵın konveyerli process retinde shólkemlestiriledi. Onnan kútiletuǵın nátiyje de tolıq suwretlenip, anıq belgilen boladı. Oqıw materialı anıq kórsetilgen oqıw maqsetine uyqas qayta dúzilip, islep shıǵıladı. Geypara bólekleri bólimlerge ajıratılıp, hár bir bólekti úyreniw erkin qadaǵalap, qáte hám kemshilikleri durıslanıp barıladı. Oqıw procesiniń barlıq basqıshlarında pútkil sistemanıń tiykarǵı texnologiyalıq tárepi — oqıw procesiniń sońǵı nátiyjeleri bolǵan oqıw maqsetine erisiwge baǵdarlanǵanlıǵında baqlaw múmkin.
Texnologiyalıq jantasıwdı paydalanıwǵa qoyılǵan talap oqıw maqsetlerine erisiwge kepillik beredi. Keń kólemde ámelge asırılıp atırǵan tálim reformaları oqıtıw procesiniń aldıńǵı texnologiyaların úyreniw hám olardıń oqıw tárbiya procesine engiziliwin talap etedi. Bul bolsa. óz gezeginde, pedagoglardan bilimlendiriw tarawına texnologiyalıq jantasıwdı, pedagogikalıq texnologiya usılın iyelewdi hám aymaǵımizdıń milliy, ruwxıy -materiallıq hám dástúrlerin esapqa alǵan halda pedagogikalıq ámeliyatta qóllaw hám olardı rawajlandırıwdı talap etedi.
Texnologiyalıq jantasıw sheńberinde jaratılǵan didaktikalıq joybarlaw usıllarına bolǵan múnásibet oqıw procesin nátiyjeli hám dóretiwshilik joybarlaw, jańa pikirler menen bayıtıw, olardıń nátiyjelerin bahalawǵa járdem beredi.
Tálimdi basqarıwǵa sistemalı jantasıw - bul basqarıwshı, yaǵnıy oqıtıwshınıń ámeldegi múmkinshilikleri tiykarında oqıwshılarǵa kerekli bilim, kónlikpe hám ilmiy tájriybelerdi qoyılǵan maqsetke muwapıq halda qáliplestiriw procesi bolıp tabıladı. Tálimde basqarıw procesi túrli jollar menen ámelge asırılıwı múmkin. Házirgi waqıtta tálim- tarbiya procesin basqarıwǵa túrli texnologiyalar engizilip atır. Tá'limniń jıldam modelin dúziw arqalı basqarıw óziniń natiyjeliligin kórsetip atır.