«Pedagogika hám psixologiya» bakalavr tálim baǵdarı 4-g- kurs talabasınıń pedagogika hám psixologiya pánlerin oqíTÍw metodikasí páninen

Izertlew-dóretiwshilik jantasıw. Oqıtıwdıń maqseti talabada qandayda mashqalanı sheshiw qábiletin ósiriw, jańa bilim hám tájiriybeni ǵárezsiz túrde ózlestiriw, hárekettiń jańa zamanagóy usılların tabıw hám ǵayrat kórsetiwdi názerde tutadı.
Izertlew-dóretiwshilik jantasıwda pedagog talabanıń oqıw iskerligine xoshametlendiretuǵın usılda basshılıq etedi, jeke iskerligin qollap -quwatlap, onıń menen birge islesedi hám de onıń pikir hám qızıǵıwshılıqların mudami názerde tutadı. Pedagogıń talaba shaxsına bolǵan múnásibeti, olarǵa muhabbatı hám jan kúydiriw, joqarı isenimi, óz-ara sherikliktiń payda bolıwı, baylanıs mádeniyatınıń joqarı dárejede bolıwı oqıw processinde talabalardi tuwrıdan-tuwrı májbúrlewden waz keshiw hám kerisinshe, unamlı xoshametlewdiń ústinligi sebepli gózlengen maqsetke erisiw, talabalar iskerliginde ushrasatuǵın kemshiliklerge shıdamlı bolıw, olardı saplastırıwdıń eń nátiyjeii jolların qollawda kórinetuǵın boladı. Bul jantasıw boyınsha pedagogikalıq texnologiya variantları islep shıǵılǵan. Izertlew-dóretiwshilik jantasıwdıń tálim sistemasında ornı bar hám ol óz ornında qollanıwı kerek.
lzleniwsheń jantasıw. Bul jantasıwdaǵı maqset talabalarda mashqalanı sheshiw, jańa, aqırına shekem tamamlanbagan tájiriybeni ǵárezsiz ózlestiriw, tásir etiwdiń jańa jolların jaratıw qábiletlerin, jeke aqıldı rawajlandırıwdan ibarat esaplanadi.
lzleniwsheń tálim úlgisinde oqıtıwdıń mazmun tábiyat hám jámiyet penen ajıralmas óz-ara tásirindegi shaxstı izertlewshilik jolına baslaw, onıń jedel dóretiwshilik iskerligin támiyinlewge xızmet qiladı. Usınıń menen birge, pedagog tálim alıwshılar oqıw iskerligin basqarıwda demokratiyalıq, xoshametleytuǵın jol tutadı. Olardıń jeke tamamlanbagan tájiriybeni ǵárezsiz ózlestiriw, minez-qulqı, hárekettiń jańa jolların jaratıw qábiletlerin, jeke mánisi kásibin rawajlandırıw jolin tutadı. Izleniwsheń tálim ulgisiniń oqıtıw mazmunı, tábiyat hám jámiyet menen óz-ara tásiri shaxstı izertlewshilik jolına baslawı onıń jedel dóretiwshilik iskerligi xarakteri menen baylanıslı.
Pedagog tálim alıwshılar oqıw iskerligin basqarıwda dóretiwshilik jol tutadı, talabalardiń oqıw iskerliginiń operativ-texnikalıq táreplerin ózlestiriwge shekem onıń áhmiyeti hám xoshametlerin birinshi orınǵa alıp shıǵadı. Búgingi kúnge shekem oqıtıwda ızleniwsheń jantasıwdı óz ishine alıwshı pedagogikalıq texnologiya kórinisleri islep shıǵılǵan.