Педагогика ва Психология соҳаларидаги инновациялар

10
BOSHLANG‘ICH SINF O‘QUVCHILARINI HUSNIXATGA O‘RGATISH
METODIKASI
Teshaboyeva Munosibxon To‘xtasinovna
Andijon viloyati Izboskan shahri
48-umumiy o‘rta ta’lim maktabi
Boshlang‘ich ta’lim o‘qituvchisi 
Tel: [phone]
Annotatsiya: Ushbu maqolada husnixat va uning inson hayotida tutgan o‘rni va ahamiyati 
haqida hamda boshlang‘ich sinflarda xusnixat darslarni to‘g‘ri tashkil etish metodikasi va bu 
o‘rinda o‘quvchilarning chiroyli yozuvini shakllantirishda pedagoglarning ishtirokining naqadar 
muhim omil ekanligi haqida fikr – mulohazlar yuritiladi.
Kalit so‘zlar: Ko‘chirish metodi, chiziqli metod, genetik metod, daftar tutish gigeyenasi, 
sharikli ruchka, namunaga qarab yozish, namunaga qarab ko‘chirib yozish, nusxa ko‘chirish, 
tasavvur orqali yozish, harflarning shaklini tahlil qilish, yozuv malakasini ongli o‘zlashtirish, 
sanoq-ohang usuli, xatolar ustida ishlash.
Inson o‘z fikrini boshqa kishilarga og‘zaki va yozma shaklda yetkazishi mumkin. Nutqning 
bu ikki shaklining o‘xshash va farqli tomonlari mavjud bo‘lib, ular o‘z o‘rnida afzalliklarga 
ega. Og‘zaki nutq tovush chiqarib aytiladi va eshitilish uchun mo‘ljallanadi. U kishilarning nutq 
jarayoni vaqtidagi aloqa vositasi bo‘lib xizmat qiladi. Yozma nutq esa tosh, yog‘och, teri, metall, 
qog‘oz kabilarga ko‘rish asosida idrok qilinadigan doimiy belgilar orqali yozib qo‘yiladi. Yozuv 
kishilaming o‘zaro fikr almashishi va bilimlarni egallashning qudratli vositasi hisoblanadi. Yozma 
nutq avlodlarni bir-biriga bog‘laydi, uzoq davrlar mobaynida saqlanadi. Yozuv tufayli kishilar 
fikri, insoniyat qo‘lga kiritgan bilimlar avloddan-avlodga yetib boradi, abadiy yashaydi.
demak, yozuv kishi hayotida pedagogik va ijtimoiy ahamiyatga ega. Yuqoridagi talab asosida 
yozishga o‘rgatish boshlang‘ich sinflardan boshlanadi. 1-4-sinf o‘quvchilarini chiroyli yozishga 
o‘rgatish uchun o‘qituvchining o‘zi husnixat bilan yozishi, shu bilan birga o‘quvchilarni chiroyli 
yozishga o‘rgata olishi kerak.