Philological research: language, literature, education filologik tadqiqotlar

бетонная твердь; Что топорщится 
за голенищем?Что так 
странно и страшно он 
свищет? (мисоллар Т.Кибировнинг “Исторический 
романс” асаридан)). 
Бизнингча эса, сифатлаш тарзида талқин қилин-
ган бетонная, странно, страшно лексемаларига 
бу тоифа ёндашиш нотўғри бўлиб, мазкур сўзлар 
ёлғиз ҳолда эпитет вазифасини бажара олмайди, 
негаки сифатлаш ўрнида аниқланмишсиз аниқлов-
чини тушуниш – ўша-ўша сифат ҳақида хулоса бе-
риш билан баробар. Бинобарин, лексемага тенг си-
фатлашлар ўзбек тилида мавжуд бўлиб, уларнинг 
лисоний мақоми кўпроқ “эскирган сифатлаш”ни 
эслатади ҳамда табиатига кўра “эскирган метафо-
ра”га яқин туради. Бу тоифа сифатлашлар тегишли 
тил тизимида узоқ даврлардан мавжуд бўлиб кел-
ган, бирор кўчим эвазига таркиб топгану, йиллар 
давомида унинг метафорик ёхуд метонимик асо-
сли экани унутилган бирликлардир. Ўзбек тилида-
ги мажнунтол, Тентаксой, Боғишамол, Заркент, 
Тошкент сингари атоқли ва турдош отлар туркуми-
даги бу сўзларни эпитет-лексемалар сифатида тил-
га олсак тўғри бўлади.
Бу каби лексема-сифатлашлар инглиз тилида 
ҳам мавжуд бўлиб, жумладан, шу тилга XIX асрда 
кириб келган boss сўзи голландиялик кема капита-
нига baas деб мурожаат қилиш орқали пайдо бўл-
ган. Baas – босс (бошлиқ) сўзи коннотатив жиҳат-
дан устоз (‘master’) маъносини ҳам беради ҳамда 
кимнингдир кимгадир буйруқ бериши эвазига ҳази-
ломуз тарзда қўлланади. Ёки canary (канарейка) 
америкалик аёллар нутқида “машҳур қўшиқчи аёл” 
маъносида қўлланилади
1
.
Жаҳон тилшунослигига оид илмий манбаларда 
морфологик бўлакларнинг ўрнида келган эпитет-
ларнинг қўлланиш қоидасига тегишли қарашлар 
мавжуд бўлиб, хусусан, 1) ҳаракат номи (инфини-
тив) шаклли отлар ёнида сифатнинг келиши (маҳо-
батли қурилиш), 2) феъл туркумидаги сўзлар 
билан равишларнинг келиши (...), 3) агар от бўл-
са, унинг ёнида сифатдош ёки сифат туркумидаги 
сўзларнинг бирга келиши (кечиккан ҳаёт, сўнгган 
орзулар, мудраган шуур, ошуфта нигоҳ, болли 
дудоқлар ёки инг.: lovely voice, latest fashion, merry 
wind, nice smile) таъкидланади. Бироқ кузатувлари-
миз ўзбек тилидаги эпитетлар орасида ушбу қои-
далардан иккинчисининг, яъни от+феъл модели 
учрамаслигини кўрсатди.
Гарчи сифатлашлар нутқ кўламида нисбатан 
барқарорлик касб этувчи лексик-синтактик қурил-
маларга ўхшаб кетса ҳам, манбаларда кесим ўрни-
да келиб, отдан ажратилган перифрастик бирикма-
ларга ҳам эпитет дея хулоса бериш ҳоллари ҳам 
кузатилади. Масалан, Алишер Навоий – ғазал мул-
кининг султони, Ватан – муқаддас саждагоҳ (ёки 
ингл. Your style is unique; The advances of the age 
in mechanism – in radio and television, in electronics 
and jet planes (L. Rosen)) каби. Аммо эпитет – ўз 
табиатига кўра эркин сифатлашдир ва шу хусуси-
яти билан барқарорлашган ва фразеологизмларга 
яқин турувчи перифразалардан фарқ қилади. 
Бироқ мана бу мисоллар юқоридагидек табиат-
га эга эмаслиги билан ажралиб туради. Яъни  Шод-
лик – уйинкарок, гусса – тамизли... Бунда қиёс 
эркин табиатли бўлиб, бўлаклар ўрни алмаштири-
либ, гап шаклидаги қурилма бирикма ҳолатига ўги-
рилса, ўйинқароқ ғусса, тамизли ғусса ифодала-
ри келиб чиқади. Гарчи ғазал мулкининг султони, 
муқаддас саждагоҳ бирикмаларида аниқланмиш-
нинг очиқланиши талаб қилинмайди – субъектнинг 
айнан келтирилиши баъзи ўринларда тафтология-
га сабаб туғдириши мумкин. 
Масаланинг бу жиҳати асосан эга ва кесимнинг 
ажратилишига доир нозик ҳолат бўлганидан, уни 
ўзбек ва инглиз тиллари мисолида алоҳида мавзу 
доирасида кўриб чиқмоқ лозим бўлади, чунки ин-
глиз тилидаги is  тусланиш шакли қўлланган жум-
лаларда тире қўлланилмайди. Зотан, тиниш бел-
гиларнинг қўлланилиш меъёрлари ўзбек ва инглиз 
тилларида яхшигина фарқликка эга ҳамда бу вази-
ятда гап таркибида келган бадиий сифатлашлар-
нинг синтактик мақоми уларнинг қай ўринда ва қай-
си тиниш белгиси билан ажратилишига ҳам боғлиқ 
бўлади.
Хуллас, мавжуд ҳолатлар бадиий сифатлаш – 
эпитет тўғрисида муфассал хулоса қилиш имкони-
ни бермайди, негаки унинг табиатидаги баҳсталаб,
ёндош ҳодисаларга уйғунлик белгиларини яна кў-
плаб мавзулар доирасида тадқиқ этиш мумкин.