Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich
Download 4.88 Mb. Pdf ko'rish
|
O`zbekiston tarixi
|
Kino
san’atining ijodkor ustalari: Sh.Abbosov, Y.A’zamov, E.Eshmuhamedov, A.Hamroev, R.Malikov, J.Fayziev, Sh.Boshbekov zamonaviy kinofil’mlar yaratishda peshqadamlik qildilar. L.Fayzievning dastlabki xususiy kinostudiyasi “Fayzifil’m” 1992 yil fevralda ro`yxatga olindi. “O`zbekfil’m” tasarrufida 1996 yil 8 ta studiya, 30 ga yaqin mustaqil ijodiy studiyalar faoliyat yuritdi. Prezidentning 1996 yil 29 apreldagi “O`zbekkino davlat aksionerlik kompaniyasini tuzish to`g’risida”gi farmoni milliy kino san’atining rivojida muhim bosqich bo`ldi. Farmonning ijrosini ta’minlash maqsadida Vazirlar Mahkamasi “O`zbekkino” davlat aksionerlik kompaniyasini tashkil etish va uning faoliyati masalalari to`g’risida” qaror qabul qildi. Kinostudiyalarda 1991-2002 yy. 60 ga yaqin badiiy filmlar suratga olindi, bular: “Temir xotin”, “Ko`zlarim yo`lingda”, “Dallol”, “Sharif va Ma’rif”, “Tilla bola”, “Buyuk Amir Temur”, “Yulduzingni ber osmon”, “Kenja singil”, “Voiz”, “O`tkan kunlar”, “Piyoda odam” kabi milliy va zamonaviy badiiy filmlardir. 1997 yil 22-29 mayda Toshkentda 32 ta davlat va 8 ta xalqaro tashkilotning san’at arboblari ishtirokida “Umuminsoniy qadriyatlar va milliy taraqqiyot” shiori ostida 12 Xalqaro Toshkent kinofestivali bo`ldi. “Buyuk Amir Temur” fil’mini 540 yaratishdagi operatorlik mahorati uchun Rifqat Ibrohimovga Xalqaro jyurining maxsus mukofoti – “Neksiya” avtomashinasi berildi. Mustaqillik yillarida “O`zbekiston bahori” (rej. Sh.Qurbonboev, E.Xachaturov), “Mustaqillikning 5 yilligi” (“O`zbekiston havo yo`llari” milliy kompaniyasi haqida), “Ulkan odim” (“O`zDEUavto” zavodi haqida) kabi hujjatli kinofil’mlar yaratildi. Milliy ma’naviyat, ma’rifat namoyondalariga bag’ishlangan “Istiqlol fidoyilari” ruknidagi, XX asrning 20-yillarida Germaniyada ta’lim olgan yoshlarimizga bag’ishlangan “Ular Germaniyada o`qigan edilar” film’lari yaratildi. I.Karimovning “O`zbekiston XXI asr bo`sag’asida..” asari asosida yaratilgan 5 ta videofil’m, “O`zbekiston Qahramonlari” ruknidagi kinoocherklar, “Umid qaldirg’ochlari” hujjatli fil’mi bugungi hayotimizni, istiqlol tufayli erishgan yutuqlarimizni anglab olishga ko`maklashmoqda. Download 4.88 Mb. Do'stlaringiz bilan baham: 
|