Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

Qoraqalpog’istonning iqtisodiy-ijtimoiy taraqqiyoti. O`zbekiston 1996 
yil Qoraqalpog’iston uchun 10 mlrd. so`m ajratdi, bu Qoraqalpoq milliy 
daromadining 55 % ini tashkil qiladi, (moliyaviy yordam miqdori 1994 yilga 
nisbatan 18 barobar ko`paydi). Qoraqalpog’istonga bugungi kunda berilayotgan 
subvensiya-moliyaviy yordam miqdori 9 mlrd.dan oshiq so`mni, butun Qoraqalpoq 
byudjeti xarajatlarining 75 % ini tashkil etmoqda. Sanoat, qishloq xo`jaligi va 
savdoda nodavlat sektorning hissasi 80-90 % ni tashkil etmoqda. 
To`rtko`l tumanida 2000 yil 6 martdan Rossiyaning Savvinovo yigiruv 
fabrikasi bilan hamkorlikda yiliga 2750 t. ip-kalava ishlab chiqaradigan qo`shma 
korxona qurila boshladi. O`zbekistondagi eng katta neftgaz maydoni (90 ming 
kv.km.) Ustyurt-Orolbo`yi mintaqasi (Kaspiybo`yi, To`qay, Amudaryo tekisligi) 
hisoblanadi. Qo`ng’irotdagi 37,4 mlrd. m.kub gaz va 739 ming t. gaz kondensati 
zaxirasiga ega «Urga» koni 1995 yil ishga tushdi. «Sharq Berdaq» koni 2002 yil 
noyabrda foydalanishga topshirildi. Ustyurt-Orolbo`yidagi konlardan 2002 yil 1,2 
mlrd.m.kub gaz va 10,4 ming t. gaz kondensati qazib olindi.
«Qoraqalpoqqurilish» aksionerlik jamiyatida Italiyaning sifatli jihozlari 
bilan qurilgan yangi marmar sex ochildi. «Nukusun» zavodida spirt ishlab 
chiqaradigan yangi sex qurildi. Engil sanoat ishlab chiqarish bazasi kengayib,
1993 yil Nukusda «Kateks», 1995 yil Ellikqal’ada «Elteks» to`qimachilik 
majmuasi qurildi.
Qoraqalpog’istonning 1996 yildagi tashqi savdo oboroti 228,4 mln. dollarni 
tashkil etib, asosiy sheriklari AQSH - 14,1 %, Rossiya - 11,4 %, J.Koreya - 11,1 
%, Shvesariya - 9,4%, Niderlandiya - 7,2 % davlatlaridir. 2002 yil 
Qoraqalpog’istonda ishlab chiqarilgan 26,1 mln. dollar miqdorida tovarlar eksport 
qilindi.
I.Karimov tashabbusi bilan 1992 yil Nukusda Orol muammosiga 
bag’ishlangan xalqaro ilmiy konferensiya o`tkazildi. O`zbekiston Vazirlar 
Mahkamasi 1992 yil 2 sentyabrda «Qoraqalpoqdagi tabiiy ofatlar oqibatlarini 

---

466 
bartaraf etish, ijtimoiy va ekologik muammolarni echish tadbirlari to`g’risida» 
qaror qabul qildi.
I.Karimov tashabbusi bilan 1995 yil sentyabrda Nukusda o`tkazilgan xalqaro 
konferensiya tarixiy voqea bo`ldi, unda asosiy hujjat-Nukus Deklorasiyasi bo`lib, 
butun dunyo jamoatchiligi e’tibori Orol muammosiga qaratildi. I.Karimov 
tashabbusi bilan 1997 yil martda Almatida Markaziy Osiyo Respublikalari 
Kengashi yig’ilishida Orolbo`yi xalqlariga ijtimoiy muammolarni echishda amaliy 
yordam berish to`g’risida qaror qabul qilindi.