Q. Yu. Nazirov kamondan oʻq otish

 
NAZORAT SAVOLLARI 
1.  Kamondan otish qachon paydo boʻlgan? 
2. Kamondan otishni rivojlanish tarixi boʻyicha fikr? 
3. Kamon turlariga taʼrif bering? 
4. Anʼanaviy kamonga taʼrif bering?
5. Murakkab kamonga taʼrif bering? 
6. Xalqaro kamondan otish federatsiyasi qachon tashkil etilgan? 
7. Oʻzbekiston Respublikasi Prezidentining 2021 yil 17 iyundagi PQ-5149-sonli 
“Kamondan otish sport turini yanada rivojlantirish va ommalashtirish chora-
tadbirlari toʻgʻrisida”gi qarorida qanday vazifalar belgilab berilgan.? 
MUSTAQIL TAʼLIM UCHUN MAVZULAR 
 
1. Kamondan otish nazariyasi va metodologiyasiga kirish. 
2. Kamondan otish tarixi. 
3. Oʻzbekistonda kamondan otish tendensiyalari. 

---

20 
4. Kamon turlari. 
5. Kamondan otishning markaziy boshqaruv organi FITA Xalqaro kamondan otish 
federatsiyasi faoliyati.
6. Oʻzbekiston kamondan otish federatsiyasi va uyushmalari faoliyati. 
III. KAMONDAN OʻQ OTISHDA SPORT FAOLIYATINING OBʼEKTIV 
SHARTLARI.
Mamlakatimizda jismoniy tarbiya va sportni ommalashtirish, aholi, ayniqsa, yoshlar 
oʻrtasida sogʻlom turmush tarzini targʻib qilish, yurtimizni xalqaro sport maydonlarida 
munosib ravishda tanitish maqsadida barcha hududlarda keng koʻlamli ishlar olib 
borilayotir. Oʻzbekiston Respublikasi Prezidentining 2021 yil 17 iyundagi PQ-5149-
sonli “Kamondan otish sport turini yanada rivojlantirish va ommalashtirish chora-
tadbirlari toʻgʻrisida”gi qarorida jamiyatimizda sogʻlom turmush tarzini shakllantirish, 
aholining jismoniy tarbiya va sport bilan muntazam shugʻullanishi uchun zamon 
talablariga mos shart-sharoitlar yaratish, iqtidorli sportchilarni saralab olish ishlarini 
tizimli tashkillashtirish, buyuk ajdodlarimiz Amir Temur, Bobur Mirzo, Jaloliddin 
Manguberdilardan meros boʻlib qolgan kamondan otish anʼanalari va qadriyatlarini 
kelajak avlodlarga yetkazish, milliy sport turlarini koʻpaytirish, kamondan otish sport 
turi boʻyicha milliy terma jamoamizning Olimpiya va Paralimpiya, Osiyo va Paraosiyo 
oʻyinlarida, jahon chempionatlarida va boshqa yirik musobaqalarda munosib ishtirok 
etishini taʼminlash boʻyicha qator ustuvor vazifalar belgilab berildi. 
Shuning uchun kamondan otish texnikasini takomillashtirish yetakchi sportchilar va 
ularning murabbiylarining asosiy nazariy yondashuvlari va uslubiy elementlariga 
qarashlar kurashi bilan birga kechdi.
Yetakchi murabbiylarning nazariy ishlanmalari oʻqitish metodikasini obyektiv ilmiy 
asosda qurish imkonini berdi, texnologiya va taktika elementlarini bajarishning eng 
yaxshi variantlarini tavsiya qilish, oʻqning nishonga tegishi uchun obyektiv sharoitlarni 
oʻrganish imkonini berdi. 

---

21 
Nazariy tayyorgarlikdan jismoniy, maxsus, texnik-taktik, psixologik va amaliy 
mashgʻulotlarga oʻtish masalasi nihoyatda muhim ahamiyat kasb etadi. Talabalar 
ixtisoslashuv jarayonida oʻquv mashgʻulotlari davomida maxsus maʼlumotlarni 
oʻzlashtirsa, koʻnikma va malakalar oʻquv-pedagogik, tashkiliy va murabbiylik 
amaliyoti jarayonida shakllantirilishi kerak. Bundan tashqari, kasbiy-pedagogik 
mahorat va koʻnikmalarni egallashning birinchi va eng muhim bosqichi sifatida oʻquv 
amaliyotiga alohida oʻrin berilishi kerak.
Talabalarni kamondan otish texnikasidagi xatolarni aniqlash va tuzatishga 
tayyorlash ayniqsa, muhim bosqich hisoblanadi 
Hozirda dunyoning 100 dan ortiq mamlakatlarida kamondan otish, uzoq masofadan 
otish bilan shugʻullanadilar. 
Milliy federatsiyalar xalqaro kamondan otish federatsiyasi — FITAga birlashgan. 
Oʻq otish boʻyicha jahon chempionatlari, mintaqaviy chempionatlar (Yevropa, Osiyo, 
Amerika, Avstraliya) oʻtkaziladi. Oʻzbekistonda kamondan otish bilan oʻsmirlar sport 
maktablari, sport maktablari, barcha sport jamiyatlari va boshqarmalarida 
shugʻullanadi.
Ushbu sport turi mushaklar kuchini rivojlantirish, gʻalaba qozonish 
istagini, chidamlilikni oshirishga imkon beradi. Kamondan otishda sportchilarni 
nafaqat jozibadorligi, balki natija uchun doimiy kurashishga undaydi.
Kamondan 
otishning sport mahorati yildan-yilga ortib bormoqda. Oʻq otish bilan 
shugʻullanmoqchi boʻlgan koʻpchilik kerakli adabiyotlarni olishda qiyinchiliklarga 
duch keladi. Umid qilamizki, ushbu darslik qaysidir maʼnoda ularga sport mahoratini 
oshirishda yordam beradi.