Qarori yoshlar muammolarini o‘rganish va hal etish tizimini yanada takomillashtirish chora-tadbirlari to‘G‘risida

17-§. Yoshlarning intellektual salohiyatini yuksaltirish, ularning bo‘sh vaqtini mazmunli tashkil
etish va huquqiy savodxonligini oshirish, shuningdek, besh muhim tashabbus doirasidagi
tadbirlarni moliyalashtirish
72. Kalendar rejada belgilangan loyiha, tanlov va tadbirlarni mahalla, sektor, tuman (shahar)
va hudud darajasida tashkil etish va o‘tkazish bilan bog‘liq xarajatlar “Yoshlar daftari” jamg‘armasi
mablag‘lari hisobidan ushbu Nizomga 
18-ilovada 
keltirilgan sxemaga muvofiq moliyalashtiriladi.
har bir mahalla darajasidagi tadbirlarga bir kalendar oy uchun — BHMning 10 baravarigacha
mablag‘ ajratiladi. Kalendar rejaga kiritilmagan tadbirlar “Yoshlar daftari” jamg‘armasi
mablag‘laridan moliyalashtirilishiga yo‘l qo‘yilmaydi.
Kalendar rejaga kiritilgan loyiha, tanlov va tadbirlarni sektor va tuman (shahar) bosqichlarini
moliyalashtirish Yoshlar ishlari agentligining tuman (shahar) bo‘limlari tomonidan asosli hisob-
kitob qilingan holda Vasiylik kengashiga yuboriladi. Vasiylik kengashi murojaatga asosan qaror
qabul qiladi va tadbirlarni moliyalashtirish choralarini ko‘radi.
Hududda o‘tkaziladigan respublika va hudud darajasidagi tadbirlar hududiy “Yoshlar daftari”
jamg‘armasi mablag‘lari hisobidan moliyalashtiriladi.
73. Mahalla darajasidagi tadbirlarni tashkil etish uchun mahalladagi yoshlar yetakchisi
Kalendar rejadan kelib chiqib, Yoshlar ishlari agentligining tuman (shahar) bo‘limlariga choraklik
loyiha, tanlov va tadbirlar soni va turi xususidagi ma’lumotlarni taqdim etadi.
Yoshlar ishlari agentligining tuman (shahar) bo‘limlari besh ish kuni ichida mahallalar
bo‘yicha choraklik loyiha, tanlov va tadbirlar soni va turi to‘g‘risidagi ma’lumotlarni kalendar rejaga
muvofiqligini tekshiradi va ajratiladigan tovar moddiy boyliklar turi va soni to‘g‘risidagi
ma’lumotlarni tuman (shahar) “Yoshlar daftari” jamg‘armasi Vasiylik kengashiga yuboradi.
74. Tuman (shahar) “Yoshlar daftari” jamg‘armasi Vasiylik kengashi mahallalar bo‘yicha
rejadagi tovar moddiy boyliklarni xarid qilish to‘g‘risida qaror qabul qiladi.
Vasiylik kengashi qarori asosida tovar moddiy boyliklar “Yoshlar daftari” jamg‘armasi
mablag‘lari hisobidan qonunchilikda belgilangan tartibda xarid qilinadi.
75. Vasiylik kengashi tovar moddiy boyliklar xarid qilingandan so‘ng uch ish kuni ichida
Yoshlar ishlari agentligining tuman (shahar) bo‘limlariga yetkazilishini ta’minlaydi.
Yoshlar ishlari agentligining tuman (shahar) bo‘limlari ikki ish kuni ichida tovar moddiy
boyliklarni mahallalar bo‘yicha taqsimlab, mahalladagi yoshlar yetakchilariga tarqatadi.
Mahalladagi yoshlar yetakchisi tovar moddiy boyliklarni yoshlarga tarqatish bo‘yicha,
topshirish, qabul qilish dalolatnomasini rasmiylashtiradi va qonunchilikda belgilangan tartibda
Yoshlar ishlari agentligining tuman (shahar) bo‘limlariga hisobot topshiradi.
76. Kalendar rejada belgilangan loyiha, tanlov va tadbirlarni sektor, tuman (shahar)
bosqichlarini o‘tkazish uchun Yoshlar ishlari agentligining tuman (shahar) bo‘limlari Vasiylik
kengashiga choraklik tadbirlar rejasini taqdim etadi va xalq deputatlari tuman (shahar) Kengashiga
ko‘rib chiqish uchun kiritadi.

---

Tadbirlar rejasi xalq deputatlari tuman (shahar) Kengashi tomonidan tasdiqlangandan so‘ng
tadbirlarni o‘tkazish uchun Vasiylik kengashining qaroriga muvofiq “Yoshlar daftari”
jamg‘armasidan mablag‘lar ajratiladi va qonunchilikda belgilangan tartibda tadbirlarga
ajratiladigan tovar moddiy boyliklarni xarid qiladi.
Vasiylik kengashi tovar moddiy boyliklar xarid qilingandan so‘ng uch ish kuni ichida Yoshlar
ishlari agentligining tuman (shahar) bo‘limlariga yetkazilishini ta’minlaydi.
Yoshlar ishlari agentligining tuman (shahar) bo‘limlari tovar moddiy boyliklarni topshirish,
qabul qilish dalolatnomasini rasmiylashtiradi va qonunchilikda belgilangan tartibda Vasiylik
kengashiga hisobot topshiradi.
Vasiylik kengashi har chorak yakuni bo‘yicha o‘tkazilgan tadbirlar bo‘yicha xalq deputatlari
tuman (shahar) Kengashiga hisobot taqdim etadi.
77. Kalendar rejaga kiritilmagan tadbirlarni tashkil etishga mahalladagi yoshlar yetakchisini
jalb etishga yo‘l qo‘yilmaydi.