BUVIJONIM
Abdurahmon Akbar
Tinchimizni o`ylaydigan
Maslahatgo`y buvimlar bor.
Ko`zlarida qo`sh ko`zoynak,
Bamisoli sochlari qor.
– Qay odatlar yomon? – deya
Biz so`raymiz buvimizdan.
– Quloqsizlik, kir-chir yurish, –
Derlar buvim kulib zimdan.
– Qo`lni belga tiramoqlik,
Barmoqlarni shaqillatish.
Yolg`on-yashiq gaplar so`zlab
Odamlarni laqillatish.
Kech bo`lganda ko`chalarni
Suv sepmasdan supurmoqlik.
Aza bo`lib turgan joyda
Hiringlamoq, vaqti chog`lik…
Aytaversam, bular ja ko`p,
Yomon odat, doim yomon.
Goh sezdirib, goh sezdirmay,
Keltiradi zahmat, ziyon.
Do'stlaringiz bilan baham: |