QàràQàlpàQ tIlI 0-klàss uShÍn SàBàqlÍq Qàràqàlpàqstàn Respublikàsı Xàlıq bilimlendiriw ministrligi tàstıyıqlàǵàn nókiS «Bilim» 2017 Qàràqàlpàq tili

Anaw ornına ana, ne ornına qaysı, ol ornına sol, bul túrleri 
kúndelikli sóylewde sol mánilerdi ańlatıw tájiriybesine qaray 
paydalanıwı da múmkin edi, biraq avtor gápiniń talabı stillik 
jaqtan pikirdiń, gáplerdiń usılay qurılıwın, onda sol almasıq 
sózlerdiń usılayınsha qollanıwın talap etip tur. 
Hátteki, bazıbir almasıq sózler sáykes jaydaylarda dánekerlik 
xızmette de paydalanadı: Shınıǵıw qansha qaytalansa, bilim 
sonsha bekkem boladı. 
Almasıq sózlerdiń stillik qollanılıw jaǵdayları oǵada keń. 
79-shšnš®šw.
Almasıq sózlerdi, olardıń qanday túrleri hám qanday stillik 
xızmetti atqarıp turǵanlıǵın sıpatlap beriń. 
SÁWBETLI AQSHAM
Tal astın tazalap, tósek sal, jora, 
Ol jer óz aldına hawalı bolar.
Úsh kópshiktiń birin óziń al, jora,
Ekkisi qonaqqa dawayı bolar.
Sensiz kewlim bóktirgisi awıqtı,
Doslar gúrrińlesken aqsham zawıqlı,
Búgin qurdas asqan túyetawıqtıń,
Júweri gúrtigi mazalı bolar.

---

71
Atlar kisnep tay tebistiń jumsaǵı,
Arqashta otlaǵan shaǵın ańsadı.
Balalıq shaq — pák hújdannıń tımsalı,
Sońıra hárkimniń óz gúzarı bolar.
Ómir súrip bul ǵániymet dúnyada,
Dos arttırǵanlar baxtı zıyada,
Biraq, seniń ornıń bólek oǵada,
Doslardıń da jaqsı-jamanı bolar.
I. Yusupov
80-shšnš®šw.
Qosıqtan úzindini oqıń. Mazmunı boyınsha tekst dóretiń. 
Almasıq sózlerdiń qollanılıw ózgesheliklerin anıqlań. 
TASQA KÓGERGEN GÚL
Insan kewlindegi miyrim-shápáát,
Eger quyash bolsa, tas gúller edi.
Aǵar dárya bolsa, ıshqı muhabbat
Dúnyada shól qalmay gúllener edi.
Sońǵı nanın berip óz joldasına,
Adam jıǵıladı júregi sazıp.
Jazsań arzıp, onıń qulpı tasına:
«Adam tastan qattı, gúlden de názik».
Kewil bir gózzal baǵ, tárbiyat etip,
Tatlı miywasın jep aralaw múmkin.
Bir jıllı júz benen waqtın xosh etip,
Bir jaman sóz benen jaralaw múmkin.
Gúllensin dep insan kewliniń baǵı,
Baǵman gúl egedi táńirge jazıp.
Gúldi jenship keter maldıń tuyaǵı,
Al, adamnıń kewli gúlden de názik.
I. Yusupov

---

72