Quramı bet

Tayanısh túsinikler:
Ilimiy-teoriyalıq ádebiyatlardan paydalana otırıp, «Qaraqalpaq ismleri» sózliginen óz sózlik qatlamǵa, túrkiy hám monǵol tillerine ortaq qatlamlarǵa, arab, parsı-tájik, rus hám basqa tillerge tán bolǵan leksikalıq qatlamlarǵa tiyisli adam atların óz aldına ajıratıp, olardıń hár birine tariyxıy-lingvistikalıq baǵdarda túsinik beriw.
Tapsırmalar:

1. 
   Túpkilikli óz sózlik qatlam degende aralaspasız taza túrkiy tiline tán bolǵan sózler túsiniledi, bul jerde áyyemgi túrkiy jazba estelikleri tilin, taza túrkiy tili dep esaplaw orınlı boladı.
   
2. 
   Túrkiy hám monǵol tilleri tariyxıy jaqtan bir-birine jaqın tuwıs (genitikalıq jaqtan) tiller dep esaplanıp kelmekte. Sonlıqtan usı eki tilge ortaq leksikalıq qatlamlar qaraqalpaq tilinde jiyi gezlesedi.
   
3. 
   Qaraqalpaq ismleriniń quramında arablıq shıǵısqa tán parsı-tájik tiline tán leksikalıq qatlamlar mánisi jaǵınan túsinikli, yaǵnıy ádebiy tilimizde qollanılatuǵın sózler bolıp bólinedi. Sonday-aq diniy uǵımǵa baylanıslı sózler hám diniy uǵımǵa baylanıssız sózler bolıp ta keledi.
   
4. 
   Qaraqalpaq tilleriniń quramında rus hám basqa tillerden ózlesken leksikalıq qatlamlardıń payda bolıw tariyxın basqıshpa-basqısh bayanlaw.
   

Qaraqalpaq ismleriniń morfologiyalıq qurılısı
Jobası:
1.Túbir hám dórendi menshikli adam atları
2.Adam atlarında sóz ózgertiwshi qosımtalardıń beriliwi
3.Qısqarqan hám subyektiv formalı ismleri
4.Qospa menshikli adam atları
Tayanısh túsinikler:
Berilgen tema boyınsha ilimiy-teoriyalıq ádebiyatlardı oqıw hám «Qaraqalpaq ismleri» sózliginen túbir, dórendi, qısqarǵan, subyektiv baha formalı qospa menshikli adam atların tawıp, olardaǵı grammatikalıq formalardı, sóz shaqapların, olardı baylanıstırıwshı qurallardı hár tárepleme morfologiyalıq jaqtan analiz islew.
Tapsırmalar:
1.Túbir menshikli adam atlarınıń atlıq, kelbetlik, feyil, ráwish sózlerden jasalıwı. Atlıq kelbetlik, feyil formalı menshikli adam atları.
2.Menshikli atlardaǵı sóz túrlewshi qosımtalardıń beriliwi.
3.Ayırım seslerdiń, morfemalardıń, buwınlardıń, komponentlerdiń túsip qalıwı arqalı adam atlarınıń qısqarıwı.
4.Subyektiv baha formalı affikslerdiń hám sózlerdiń xızmeti.
5.Sóz shaqaplarınıń hár qıylı qosımtalar hám intonaciya arqalı baylanısıw jolları.