Режа: Ҳуқуқ-тартибот органлари ва суд тизимидаги ўзгаришлар

• эркинлик ва шахсий дахлсизлик ҳуқуқи;
• айбсизлик презумпцияси;
• шахсий ҳаётга аралашишдан ҳимояланиш ва уй-жой дахлсизлиги ҳуқуқи;
• бир жойдан иккинчи жойга кўчиш ҳуқуқи;
• фикрлаш, сўз ва эътиқод эркинлиги;
• фуқароларнинг ўз ҳуқуқ ва манфаатларига дахлдор бўлган ҳужжатлар билан танишиб чиқиш ҳуқуқи;
• виждон эркинлиги. Мазкур ҳуқуқ ва эркинликларга ҳар бир шахс эга бўлади ҳамда ўзи томонидан мустақил амалга оширилади.
Инсон ҳаёти қонун билан кўриқланадиган муқаддас қадриятдир. Инсоннинг шахсий ҳуқуқ ва эркинликлари Ўзбекистон Республикасининг Конституцияси, „Фуқаролик кодекси“ (1995- йил 21- декабр), „Фуқароларнинг мурожаатлари тўғрисида“ (1994- йил 6- май), „Фуқаролар муҳофазаси тўғрисида“ (2000- йил 26- май), „Виждон эркинлиги ва диний ташкилотлар тўғрисида“ (1998- йил 1- май куни янги ташрирда қабул қилинган) ва бошқа қонунлар билан кафолатланган.
Ўзбекистон Республикаси Конституцияси ва қонунларида фуқароларнинг сиёсий ҳуқуқлари мустаҳкамланган. Улар қуйидагилардан иборат:
• давлат ва жамият ишларини бошқаришда қатнашиш;
• Ўз ижтимоий фаолликларини митинглар, намойишлар ва йиғилишлар шаклида амалга ошириш;
• касаба уюшмаларига, сиёсий партияларга, жамоат бирлашмаларига уюшиш, оммавий ҳаракатларда иштирок этиш;
• ваколатли давлат органларига, муассасаларига ёки халқ вакилларига ариза, таклиф ва шикоятлар билан мурожаат қилиш.

Фуқароларнинг сиёсий ҳуқуқлари Конституция, „Жамоат ташкилотлари тўғрисида“, „Оммавий ахборот воситалари тўғрисида“, „Сиёсий партиялар тўғрисида“ ва бошқа қонунлар билан ҳимоя қилинади. Ўзбекистон Республикаси Конституцияси ва қонунларида республика фуқароларининг иқтисодий ва ижтимоий ҳуқуқлари мустаҳкамланиб қўйилган:
• уй-жойга эга бўлиш;
• мулкдор бўлиш ва ундан эркин фойдаланиш;
• меҳнат қилиш, эркин касб танлаш, ишсизликдан ҳимояланиш;
• ёлланиб ишлаганда дам олиш;