Қарор қабул қилишда ирода. Қарор қабул қилишда бир неча вариантлар орасида энг тўғрисини танлаш учун фақатгина билим ва кўникмаларнинг ўзи кифоя қилмайди. Бунинг учун қарор қабул қилиш жараёнини ташкиллаштирувчи ва рағбатлантирувчи ирода керак бўлади. Бундай холатларда ирода – қарор қабул қилишга ишини билиб ёндашишни англатади. Кучли ирода ўз-ўзидан пайдо бўлмайди, у етарли таълим-тарбия натижасида етиштирилади.
Шундай қилиб қарорнинг шаклланиш асосида билим ва ироданинг мустахкам қоришмаси ётади.
Бошқарув қарорлари ижросини таъминлаш. Бошқарув қарорлари ижросини таъминлаш - бошқарувнинг муҳим бўғини. Бошкарув қарорини хаётга татбиқ этиш уни қабул қилиш жараёнининг мантикий давоми. Агар қарор қабул қилинган бўлса, демак, у ижро этилиши керак.
Қарорни ижро этиш жараёни уни қабул қилиш жараёнидан тубдан фарқ қилади. Агар қарорнинг қабул қилиниши мақсадни белгилаш бўлса, унинг ижроси мақсадга эришишга йўналтирилганлиги.
Қарорнинг ижроси - бошқарув ҳаракатининг интиҳосидир. Ижродаги асосий нарса - мақсадга мувофиқ равишда режалаштирилган натижага эришиш.
- бошқарув шароитларига мос равишда қарорга (дастур, лойихага) ўзгартишлар киритиш;
- қарорнинг ижро жараёнини уюштириш (бевосита ижрочиларни ва амалга ошириш механизмини аниқлаш, зарурий ташкилий чоралар кўриш);
- ижрони назорат остига олиш (кузатиш);
- ижро натижаларини умумлаштириш ва якуний баҳо бериш.
Бошқариш жараёнидаги охирги босқич — бу қабул қилинган қарорлар ижросини назорат қилишдир.
Назорат – бу қайта (жавоб) алоқа ҳисобланиб, юқори бошқарув органи томонидан чиқарилган буйруқ, фармойиш ва белгиланган режаларнинг жойларда бажарилиш даражаси тўғрисидаги маълумотларни аниқлаш усулидир.
Do'stlaringiz bilan baham: |
