Sabzavotlar marinadlari

Pomidor sharbatidagi bodringlar
Bunday konservalar sirkasiz tayyorlanadi. Buning uchun banka yoki ballonlarga avvalo yuqorida tilga olingan oshko‘klar, ziravorlar tashlanadi, keyin tegishlicha saralangan va yuvib tozalangan bodringlar joylanib, ustiga 95-97°C gacha isitilgan, sho‘r pomidor sharbati qo‘yiladi (sharbatning 1 litriga 50-60 g hisobida tuz qo‘shiladi).
Sharbat to‘ldirib qo‘yilgandan so‘ng bankalar tunuka qopkoq bilan engil bekitilib, issiq (70-75°C) suvli idishga joylanadi va 100°C da muayyan vaqt qaynatiladi; bunda 0,35 l bankalar – 10 daqiqa, 0,5 l bankalar – 15 daqikd, 1,0 l bankalar – 20 daqiqa, 2,0 l ballonlar – 25 daqiqa va 3,0 l ballonlar – 35 daqiqa davomida qaynatilishi lozim. Shu muddat o‘tgach, ular suvdan olinadi, qopqoqlari burab mahkamlanadi va to‘ntarib qo‘yilgan holda sovitiladi.
0
,5 litrlik 10 banka konserva tayyorlash uchun 3,3 kg bodring, 2,7 kg pomidor, 100 g tuz, 70 g ukrop, 50 g yerqalampir (xren) bargi, 30 g sarimsoq 50 g chuchuk qalampir, 3,5 g achchiq qalampir, 2 g chuchuk xushbo’y murch, 1 g lavr yaprog‘i kerak bo‘ladi.


Pomidor sharbatidagi bodringkonservasining ko‘rinishi


Kuchsiz qilib tuzlangan (sterilizatsiya qilingan) bodring konservasi
Yangi uzilgan (so‘limagan) barra bodringlar yuvib tozalanadi va sovuq suvda 4-6 soat ivitib qo‘yiladi. Shu muddat o‘tgach, ular yana yuviladi, so‘ngra tuzlanadi. Buning uchun bankalarga avvalo yuqorida aytib o‘tilgan oshko‘klar va ziravorlar tashlanadi, keyin bodringlar to‘ldiriladi va ustiga 80-85°C gacha isitilgan namakob qo‘yiladi. Namakobning sho‘rlik darajasi 5-6% bo‘lishi kerak. Ustiga namakob qo‘yilgan bodringlar xonada 4-6 kun turishi lozim; shu davr ichida sut kislota hosil bo‘lishi natijasida bodringlar nimtatir bo‘lib tuzlanadi va o‘ziga xos ta’m kasb etadi.
Shundan keyin ular bankadan birma-bir olinib, 2% li namakobda yuviladi va yangi oshko‘klar, ziravorlar, sarimsoq, qalampir, lavr yaprog‘i solib qo‘yilgan bankalarga to‘ldiriladi.
Ilgari bankada qolgan namakob sirlangan idishda 5-10 daqiqa qaynatiladi, keyin 3-4 qavat qilib buklangan dokadan suziladi va qaynoqligida (80-85°C) bankadagi bodringlar ustiga qo‘yiladi, bankalar tunuka qopqoqlar bilan bekitiladi hamda issiq (70-75°C) suvli kastryulьkaga joylanib, 90°C da muayyan vaqt qizdiriladi.
Bunda 0,35 l bankalar – 8 daqiqa, 0,5 l bankalar – 12 daqiqa, 1,0 l bankalar – 15 daqiqa, 2,0 l ballonlar – 20 daqiqa, 3,0 l ballonlar esa 25 daqiqa davomida qizdirilishi lozim. Belgilangan muddatdan keyin banka (ballon)lar suvdan olinadi, qopqoqlari mahkam burab bekitiladi; banka va ballonlar to‘ntarib qo‘yilgan holda, imkoni boricha tezroq sovitilishi lozim.
0,5 litrli 10 banka konserva tayyorlash uchun 3,5 kg bodring, 100-120 g tuz, 140 g ukrop, 100 g qalampir (xren) bargi, 60 g sarimsoq 5 g achchiq qalampir, 3 g chuchuk xushbuy murch (tuyilmagan), 2 g lavr yaprog‘i kerak bo‘ladi.