Ж: Ma’muriy huquqbuzarlik — qonunga binoan ma’muriy javobgarlikka tortish nazarda tutilgan, fuqarolarga, tabiiy muhitga nisbatan (qasddan yoki ehtiyotsizlikdan) sodir etilgan harakat yoki harakatsizlik. Masalan, mayda bezorilik; yo‘l harakati va transport vositalaridan foydalanish qoidalari; pasport tizimi va qayd etish qoidasi (harbiy va pasportni ro‘yxatdan o‘tkazish qoidalari); elektr energiyasidan foydalanish qoidalarini buzish, atrofmuhitni, tarixiy va madaniy yodgorliklarni muhofaza qilish sohasidagi huquqbuzarliklarni olish mumkin.
Ҳуқуқбузарликнинг объекти деганда нимани тушунасиз?
Ж: Huquqbuzarlik obyekti — huquq bilan tartibga solinadigan va muhofaza qilinadigan ijtimoiy munosabatlar. Ijtimoiy munosabatlar o‘zi nima, degan savolga quyidagicha javob berish mumkin. Odamlar ijtimoiy hayotda o‘z xatti-harakatlariga javob berishga majburlar. Ular ijtimoiy hayotda bir-birlari bilan o‘zaro munosabatga kirishadilar. Aynan mana shu munosabatlar — ijtimoiy munosabatlar.
Ҳуқуқбузар ким, ҳуқуқбузарлик субъекти деганда нимани тушунасиз?
Ж: Huquqbuzarlik subyekti esa, huquqqa zid aybli qilmishni sodir etgan shaxsdir. Aynan shu shaxs huquqbuzar deb ataladi. Har qanday shaxs ham huquqbuzar deb tan olinavermaydi. Huquqbuzarlik subyekti deb tan olinishi uchun shaxs o‘z qilmishiga javob bera oladigan, aqli raso bo‘lishi shart.
Юридик жавобгарлик нима ва унинг турларини таърифлаб беринг?
Ж: Huquqiy normalarga asoslangan va davlat majburlov normalari bilan bog‘liq bo‘lgan javobgarlik yuridik javobgarlikni tashkil qiladi va aynan shu javobgarlikni o‘rganish huquqshunoslik fanining vazifalaridan biridir. Yuridik javobgarlikka asos bo‘lib huquqbuzarlik, ya’ni huquqiy normalarni buzish hisoblanadi.
Huquqbuzarlik turlari yuridik javobgarlik turlariga mutanosibdir:
fuqarolik huquqbuzarligi – fuqaroviy (moddiy) huquqiy javobgarlikni;
ma’muriy huquqbuzarlik – ma’muriy javobgarlikni;
intizomiy huquqbuzarlik – intizomiy javobgarlikni;
jinoiy huquqbuzarlik – jinoiy javobgarlikni keltirib chiqaradi.
Do'stlaringiz bilan baham: |
