Samarqand davlat universiteti I. T. Ergashev, B. M. Eshonkulov,D. S. Normurodov, F. A. Oblokulov

1. Bahorgi muddatda kartoshka yetishtirishda qanday navlardan foydalanish 
maqsadga muvofiq boʻladi. 
2. Ertangi kartoshka yetishtirishda mineral oʻgʻitlar qancha miqdorda 
beriladi. 
3. Kartoshka hosili qanday agregatlar yordamida yigʻishtiriladi. 

---

99 
YOZGI MUDDATDA EKIB KARTOSHKA OʻSTIRISH 
TEXNOLOGIYASI 
Darsning maqsadi: Yozgi muddatda kartoshka yetishtirishnini texnologik 
elemintlari toʻgʻrisida talabalarga koʻnikmalar hosil qilish. 
Topshiriq: 
1. Yozgi muddatda kartoshka yetishtirishda oʻtmishdosh ekinlarni ahamiyatini 
oʻrganish. 
2. Yozgi muddatda kartoshka yetishtirish boʻyicha texnologik xarita tuzish. 
Yer tanlash va tayyorlash. Haydalgan bedapoya, kuzgi gʻalla va oraliq 
ekinlardan boʻshagan yerlarga yozda kechki kartoshka ekiladi. Yerni tayyorlash 
sugʻorish, chuqur agʻdarmay haydash, chizel va bir yoʻla boronalashdan iborat. 
Oʻgʻitlash. Kechki kartoshkaga yerni haydash oldidan gektariga 25-30 tonna 
chirigan goʻng. 300-350 kg ammofos va 150-200 kg kaliy tuzi solinadi. 
Nav tanlash. Yozda ekib, qishki va urugʻlik kartoshka hosili olishda oʻrta va 
oʻrtakechpishar; Quvonch-16/56m, Baxro-30, Hamkor-1150, Toʻyimli, Arinda, 
Bardoshli-3 , Gollandiyadan keltirilgan Sante, Romano, Marfona, Kondor, Binella, 
Kosmos navlarini 15 iyundan 5 iyulgacha ekish maqsadga muvofiqdir. Ayniqsa, 
oʻrtapishar va kechki navlarning urugʻlik tuganaklarini yozgi qilib ekish yaxshi. 
Chunki, ular omborxonalarda ekishgacha soʻlimay va koʻp nishlamay saqlanadi. 
Oʻsimtalarni sindirish. Kechki qilib yozda ekishgacha saqlangan urugʻlik 
tuganaklar haddan tashqari koʻkarib ketadi. Uzun oʻsimtali tuganaklarni ekish 
qiyin va bunday urugʻliklar hosili koʻpincha kam boʻladi. Shuning uchun 
oʻsimtalar uzunligi 8-12 sm ga yetganda 1-2 marta sindiriladi. Oxirgi marta 
oʻsimtalarni sindirish ekishga 10-12 kun qolganda oʻtkaziladi. Natijada ekilgan 
tuganaklarning ancha erta va qiygʻos unib chiqishi ta‘minlanadi.