Sapayeva, Z. J. G'Ulomova oziq-ovqat texnologiyasi asoslari

310




Filtrlashdan so‘ng pivo ma’lum qismdagi uglerod dioksidini yo'qotadi, shuning uchun quyishdan oldin pivo orqali uglerod dioksini puflab, u karbonizatsiyalanadi. Pivo C0₂ gazi bilan yaxshi to‘yinishi uchun filtrdan keyin issiqlik almashish uskunasida 0,5-1 °C gacha sovitiladi. Karbonizat- siyalash uchun 1 dal pivoga 15 g C0₂ gazi sarflanadi.
Karbonizatsiyadan so‘ng pivoyig‘gichlarda 6-8 soat saqlanadi, keyin esa quyishga yuboriladi.
Pivoni quyish. Tiniq pivo yog‘och va alumin bochkalarga, avtosisterna, polietilen idishlarga va butilkalarga quyiladi. Pivo quyiladigan butilkalar yorug‘lik o'tkazmaydigan to‘q ko‘k yoki och jigarrangli mustahkam tiniq shishalardan tayyorlanadi. Chunki quyosh nuri pivoda fotokimyoviy reaksiyani qo‘zg‘atadi. Natijada pivo tarkibidagi oltingugurtli ayrim birikmalar yoqimsiz hid hosil qiladi.
Pivo har doim bosim ostida quyiladi. Bosim ostida quyish uchun bosim ostida ishlovchi quyish avtomatlaridan foydalaniladi. Aks holda pivo quyish jarayonida ko'piklanadi, C0₂ gazining miqdori kamayadi, natijada pivo bochka va butilkalarga to‘la quyilmaydi. Quyish vaqtida pivoning harorati 3 °C dan oshmasligi kerak.
Pivo R-3, R-6 va RU-12 avtomatlarda sathi bo'yicha quyiladi. Avtomatlar mos tarzda 3300, 6600, 16000 butilka/soat unumdorlikka ega. Butilkalar 0,05-0,3 MPa bosim ostida qayishqoq tiqinli yoki sintetik zichlanuvchiga ega po'lat qalpoqchalar bilan mahkam yopiladi. Bu jarayon avtomatlarda, masalan, 6000 butilka/soat unumdorlikka ega U6-A rusumli avtomatda amalga oshiriladi.
Pivoning yo‘qotilishi filtrlashda 1,55%, butilkalarga quyishda 2%, bochkalarga 0,5 %, tarasiz tashishda 0,33 % ni tashkil qiladi.

4. 
   §. PIVO ISHLAB CHIQARISHNING MASHINA-APPARATURAVIY SXEMASI
   

Pivo ishlab-chiqarishning mashina-apparaturaviy sxemasi 10.2-rasmda tasvirlangan.
Solod ombordan havo-elakli separator 1 ga, keyin shnek 2 bilan tozalangan solod yig'gichiga beriladi. Arpa va boshqa don mahsulotlari ham shnek 2 bilan separator 1 ga, keyin yig'gich 15 ga beriladi.
Don mahsulotlari magnit kolonkasi 4 dan o'tkazilgandan keyin avtomatik tarozi 5 da tortiladi.
Solod ho‘l maydalash qurilmasi 6 da, boshqa don mahsulotlarini maydalash tegirmon dastgohi 16 da amalga oshiriladi. Texnologik