Oparali usulda xamir tayyorlash - ikki bosqichli xamir tayyorlash usuli bo'lib, birinchi bosqichda un va suvning ma’lum qismi, achitqining hammasidan opara, ikkinchi bosqichda oparaga qolgan xomashyolarni qo'shib xamir tayyorlanadi.
Oparasiz usulda xamir tayyorlash - bir bosqichli xamir tayyorlash usuli bo'lib, retseptura bo'yicha un, suv, achitqi shakar, yog' va boshqa qo'shimcha ashyolar hammasi birdaniga solib xamir qoriladi.
Ottyok - shakar ishlab chiqarishda utfellarni sentrifugalash va shakarni oqlash natijasida olingan qand va noqandlarni saqlovchi suyuqlik.
Oziqaviy bo'yoqlar- mahsulotning rangi - uning jozibadorligini ta’minlash maqsadida Sog'liqni saqlash vazirligi tomonidan qo'llashga ruxsat berilgan tabiiy va sun’iy bo'yoqlar.
Oziqaviy organik kislotalar-mahsulotlarga meva va rezavorlarga xos bo'lgan nordon ta’mini berish uchun qo'llaniladigan limon, vino, olma, sut, sirka kislotasi va boshqalar.
Pasterizatsiya - mikroorganizmlarni yo'qotish maqsadida mahsulotga 100 °C haroratgacha issiqlik bilan ishlov berish.
Pitra-pivo ishlab chiqarishda susloni ajratib olish maqsadida zatorni filtrlashdan keyin qolgan sifatli chiqindi.
Pivo suslosi - pivo ishlab chiqarishning asosiy oraliq yarimtayyor mahsuloti, zatorni filtrlash natijasida olingan suyuqlik.
Pulpa - bu butun yoki o'rtasi (urug'lari, urug' xonasi, danaklari) olingan yoki olinmagan mevalar, yoki rezavorlar bo'lib, sulfit kislotasi yordamida konservalangan.
Do'stlaringiz bilan baham: |
