Савол-жавоб indd

34. Давлат тили нима?
Давлат тили – ҳар қандай давлатнинг тарихий та-
раққиёти негизида вужудга келган, ўзликни англаш, 
миллий онг ва тафаккурнинг инъикоси, авлодлар ўр-
тасидаги руҳий-маънавий боғлиқлик воситаси, мам-
лакатда истиқомат қилаётган турли миллат ва элатлар 
якдиллигини ифода этадиган, давлат доирасида ва 
давлатлараро муносабатларда ўзаро мулоқот воситаси 
ҳисобланган, қонуний мақомга эга бўлган ҳамда қонун 
билан ҳимояланган расмий тил. Давлат тили одатда уч 
йўл билан белгиланади: 1) Тарихий анъана асосида му-
айян давлат ҳудудида истиқомат қилувчи барча халқлар 
мавжуд тиллардан бирини умумтил деб тан олади. У 
кўпинча шу давлатдаги энг кўп сонли миллатнинг
тили бўлади. 2) Ҳукумат, президент, парламент ёки 
раҳбар органлар томонидан халқаро ёки жаҳон тилла-
ридан бири давлатнинг расмий тили деб эълон қили-
нади. Давлат органлари, ҳукумат идоралари ва расмий 
ташкилотларда ёзишмалар фақат шу тилда қабул қи-
линади ёки жўнатилади, шунингдек, барча музокара, 
муҳокама, мажлис, сессия, конференция, конгресс ва 
шу каби йиғинлар расмий тилда ўтказилади. 3) Давлат-
нинг қонун чиқарувчи органи ёки мамлакат президенти 
томонидан жамият ҳаётининг барча соҳаларида қўлла-
нилиши шарт деб эълон қилинган тил.
35. Давлат чегараси нима?
Давлат чегараси – давлатнинг зарурий белгиларидан 
бири. Ҳар қандай давлат ўз ҳудудий чегарасига эгадир. 
Давлат ҳудудининг бошқа давлат ҳудуди билан туташ 
чизиғи давлат чегараси деб эътироф этилади.
Ўзбекистон Республикаси беш мустақил давлат – 
Қозоғистон, Қирғизистон, Тожикистон, Туркманистон 
ва Афғонистон давлатлари билан чегарадошдир.

---

23
Давлатимиз ҳудуди чегараларининг умумий узун-
лиги 6221 километрни ташкил этади. Жумладан, Афғо-
нистон билан чегара – 137 км, Қозоғистон – 2203 км, 
Қирғизистон – 1099 км, Тожикистон – 1161 км, Туркма-
нистон билан 1621 км дан иборатдир.