Раҳбар, менежерларнинг ҳодимлар билан мулоқотига этика нуқтаи-назаридан, муомала маданиятида кишининг ижтимоий мавқеи ва даражаси, мансабига қараб муомала қилиш нотўғри ҳисобланади. Ҳар бир шахс тенг ҳуқуқлидир. Бунда, лавозим бўйича ходим раҳбариятга бўйсуниши ва топшириқларни бажариш лозим. Лекин бу раҳбар қўл остидаги ходимларга кўпол муомала қилишига имкон беради дегани эмас. Бизнес ҳамкорлар билан мулоқот – бизнес ҳамкорларнинг ишончли эканлиги, берган ваъдаларини бажариши, ташкилот капиталининг ишончли айланишига сабаб бўлади, натижада бизнес ривожланади. Шунинг учун бизнесда ҳамкорларни танлаш, улар билан самимий мулоқот ўрнатиш муҳим аҳамиятга эга. Мижозлар билан мулоқот – бизнеснинг олтин қоидаси “мижоз доим ҳақ”, агар сиз мижозлар билан тўғри муносабатларни йўлга қўя олмас экансиз, рақобатда ютқазиб қўясиз ва бизнесингизнинг келажаги хавф остида қолади.
Do'stlaringiz bilan baham: |
