Shavkat Sharipov, Odil Qo‘ysinov, Qumrinisa Abdullayeva

Mustahkamlash uchun savollar
1. Duradgorlik dastgohi qanday maqsadda xizmat qiladi?
2. Duradgorlik dastgohi qanday qismlardan iborat?
3. Dastgoh stolining bir qismi nima uchun chuqurlashtirilgan?
4. Dastgoh stolining balandligi qanday bo‘lishi kerak?
5. Dastgohga materialni to‘g‘ri o‘rnatish va mahkamlash qoidalariga rioya 
qilish nima uchun zarur?
6. Dastgohning yaxshi saqlanishi nimalarga bog‘liq?
Duradgorlik dastgohi stolining balandligi unda ishlayotgan odamning 
bo‘yiga mos bo‘lishi kerak (7-rasm).

---

20
Jihozlar
Duradgorlik dastgohi
Ishni bajarish tartibi 
Duradgorlik dastgohidan to‘g‘ri foydalanish usullarini mashq qiling.
Yog‘ochdan uy-ro‘zg‘or buyumlarini yasash
Uy-ro‘zg‘or buyumlarini yasashda uning bajaradigan vazi 
fasi 
ga 
qarab qanday yog‘och turidan tayyorlanishi aniqlab olinadi. Asosan, 
ishlatiladigan yog‘och materialining qattiqligi hamda foydalanish 
jarayonida ro‘y beradigan ta’sirlarga chidamlilik darajasi hisobga olinadi. 
Masalan, sabzavotlar to‘g‘rash taxtasi odatda o‘rtacha qattiqlikdagi 
yog‘ochlardan turli shakllarda tayyorlanadi. 
Taxtacha oyoqlari oddiy yoki burama mixlar bilan mahkamlanadi. 
Bu buyumni tayyorlash uchun yog‘ochni tanlash, unga rejalash 
chizmasini chizish, arralash, randalash, parmalash, jilvirlab silliqlash va 
oyoqchalarni biriktirish ishlari bajariladi. Ushbu taxtani atroflarini turli 
naqshlar bilan bezatish ham mumkin.
Bunday taxtachalarni oshxona devoridagi qoziqqa ilib saqlash ancha 
qulay. Shunday osib qo‘yishga moslashtirilgan taxtachalarning orqa 
tomoniga chiroyli naqshlar ishlab bezatiladi. Ko‘pincha bezatiladigan 
taxtachalarga oyoqchalar yasalmaydi, ularning bezatilgan tomoni 
ko‘rinib turadigan holatda qoziqqa ilib qo‘yiladi.