Сурхондарё вилояти Иқтисодий тараққиёт ва камбағалликни қисқартириш бош бошқармасининг фаолиятини ташкил этиш тўғрисида Низом

9-боб. Бош бошқарманинг ҳисобдорлиги
28. Бош бошқарма ҳар чоракда, Бош бошқарманинг туман (шаҳар) бўлимлари маълумотлари ҳамда давлат ва хўжалик бошқаруви органлари ҳудудий бўлинмаларининг маълумотларини умумлаштириш ва чуқур таҳлил қилиш асосида ҳудудларни ижтимоий-иқтисодий ривожлантиришнинг тасдиқланган прогноз ва мақсадли параметрлари бажарилишининг бориши ҳамда аниқланган камчиликлар тўғрисидаги умумлашган таҳлилий маълумотларни уларни бартараф этиш бўйича асосланган таклифлар билан вилоят ҳокимлигига киритади.
29. Бош бошқарманинг туман (шаҳар) бўлимлари ҳудудларни ижтимоий- иқтисодий ривожлантиришнинг тасдиқланган прогноз ва мақсадли параметрлари бажарилишининг боришини ҳар томонлама чуқур ўрганиш ва таҳлил қилиш асосида аниқланган камчиликлар ва уларни бартараф этиш бўйича асосланган таклифлар тўғрисидаги таҳлилий маълумотларни ҳар чоракда Бош бошқармага, туман (шаҳар) ҳокимликларига киритади.
10-боб. Якуний қоидалар
30. Бош бошқармани қайта ташкил этиш ва тугатиш қонунчиликда белгиланган тартибда амалга оширилади.