Surxondaryo viloyat o`rta maxsus, kasb – hunar ta’limi boshqarmasi

Менинг куйим эмас тузоқда,
Шеър керакми, жон керакми,ол!
Ҳамид Олимжон (саҳна безатилишида гулларни ердан униб чиққандек таассурот қолдирувчи ҳолатга аҳамият бериш керак) гуллар териб юриб ўқийди.
Севги десам, фақат сен десам,
Сенинг билан яшаса қалбим:
Сен десам-у бутун дунёнинг
Шўришига қулоқ солсам жим...
Қуюн каби айланар бошим,
Қарайман-у кўзим тинади
Ва жилвангдан кўнгил кўзгуси
Парча-парча бўлиб синади.
Шу қарашга борми ниҳоя,
Бўларманми мақсадга восил?
Топарманми бир янги ғоя,
Бўлармикан бир мурод ҳосил?
Топиларми унда бир чора,
Агар мени қуршаса жунун:
Бўлиб қолса сирим ошкора,
Атасалар номимни Мажнун.
Зулфия: Яхшики йигитда эр юраги бор,
У севса ҳеч қачон ёнмас яширин.
Севгинг тўғрисида ўзинг очдинг сўз,
Эй кўзи қоп-қора, сўзлари ширин!
Менинг севганимни ҳали билмасдинг,
Танҳо ўртанишдан мен олдим лаззат.
Дилимни кемирган муҳаббат сирин
Ўзим ардоқладим, ҳам қилдим иззат.
Фон сифатида “Энг гуллаган ёшлик чоғимда” мусиқаси янграб туради. Ҳамид Олимжон терган гулларини Зулфияга келтиради.
Мана сенга олам-олам гул
Этагингга сиққанича ол.
Зулфия: Бунда толе ҳаммасидан мўл,
Бир умрга ёнгинамда қол.
Саҳнадан чиқиб кетишади.
7-ўқувчи: Бахтдан сармаст шоира илм дарёсидан дурлар теришни ҳам унутмади. Ўзбекистон Фанлар академиясининг аспирантурасида таҳсил олди.
8-ўқувчи: Кейин болалар нашриётида муҳаррир бўлиб фаолият юрита бошлади. Олима илм уммонидан терилган гавҳарлардан болаларни ҳам баҳраманд қилди.