Т а с д и қ л а й м а н” Янгиер шаҳар прокурори адлия катта маслаҳатчиси

Юқоридагиларга кўра: Аманликов Бахтиёр Хатамкулович-1985 йил 06 июнь куни Ховос туманида туғилган, миллати ўзбек, маълумоти олий, оиласи билан ажрашган, 2 нафар фарзандли, муқаддам судланган, Ўзбекистон Республикаси фуқароси, мавсумий ишчи, Янгиер шаҳар, Юксалиш маҳалласи, Жайхун кўчаси 5/4-уйда яшовчига нисбатан “муносиб хулқ атворда бўлиш ҳақида тилхат” эҳтиёт чораси қўлланилган.


Дастлабки тергов ҳужжатларига кўра, 1985 йил 06 июнь куни Ховос туманида туғилган фуқаро Аманликов Бахтиёр Хатамкулович, шу ҳақда айбланадики, муқаддам яъни, жиноят ишлари бўйича Ховос туман судининг 2020 йил 25 декабрь кунги ҳукмига кўра Ўзбекистон Республикаси ЖКнинг 277-моддаси 3-қисми “а” банди билан, ЖКнинг 57-моддаси қўлланиб, 2 йил
6 ой муддатга ахлоқ тузатиш ишлари жазоси тайинланиб, жиноят ишлари бўйича Янгиер шаҳар судининг 2022 йил 4 апрель кунги ажримига кўра, ЖКнинг 73-моддасига асосан ўталмай қолган 1 йил 28 кун ахлоқ тузатиш ишлари жазосидан шартли равишда озод қилиниб, жиноят ишлари бўйича Янгиер шаҳар судининг 2022 йил 09 июнь куни ҳукмига кўра Ўзбекистон Республикаси ЖКнинг 140-моддаси 1-қисмида кўрсатилган жиноятни содир қилганликда айбли деб топилиб 1 (бир) йил 2 (икки) ой ахлоқ тузатиш ишлари жазоси тайинланиб, қайта жиноят ва ҳуқуқбузарлик содир этмаслик ҳақида расман огоҳлантирилган, бўлишига қарамасдан, ўзига тегишли хулоса чиқармай, хавфли рецидивист бўла туриб, жиноят содир этиш йўлига кириб, ҳақорат қилиш ва шахсий ҳаёт дахлсизлигини бузиш жиноятларини қуйидаги усул, вақт ва ҳолатларда қасддан содир этган.
Жумладан у, ғаразли ниятларда шахснинг шахсий сирини ташкил қилувчи шахсий ҳаёти тўғрисидаги маълумотларни унинг розилигисиз қонунга хилоф равишда йиғиш ва тарқатиш мақсадида, 2022 йил августь ойида фуқаро Холмуродова Лола Хаитбой қизининг шахсий ҳаёт сирини ташкил қилувчи кийимсиз ҳолатдаги фотосуратини йиғиб, ўзининг “Instagram” ижтимоий тармоғидаги бир кунлик тарихига қўйиб Л.Холмуродованинг шахсий ҳаёт дахлсизлигини бузишга сабабчи бўлган.
Шундай қилиб, Аманликов Бахтиёр Хатамкулович ўзининг юқоридаги жиноий ҳатти-ҳаракатлари билан Ўзбекистон Республикаси ЖКнинг
141¹-моддаси 2-қисми “б” бандида кўрсатилган жиноятларни қасддан содир қилган.
Бундан ташқари, фуқаро Аманликов Бахтиёр Хатамкулович ўзининг жиноий ҳаракатларини давом эттириб, шахснинг шаъни ҳамда қадр-қимматини беодоблик билан қасддан таҳқирлаш мақсадида, 2022 йил 27 сентябрь куни соат 15:26 да ўзининг [phone] ва [phone] рақамидан фуқаро Холмуродова Лола Хаитбой қизининг [phone] рақамига ўзбек миллий менталитетига тўғри келмайдиган турли-хил мазмундаги ҳақоратли сўзлар билан СМС хабарлар юбориб ҳақорат қилган, Б.Х.Аманликов ўзининг жиноий ҳаракатларини давом эттириб, Янгиер шаҳар, Шодлик маҳалла биноси олдида Л.Х.Холмуродовани куракда турмайдиган сўзлар билан ҳақорат қилиб, Янгиер шаҳар, Маърифат маҳалласи биноси олдига таъқиб бориб, ушбу маҳалла биноси олдида уни турли хил сўзлар билан ҳақорат қилиб, елка қисмига уриб тан жароҳати етказган, шунга қарамасдан ўзининг жиноий ҳаракатларини давом эттириб, шу куни соат 18:00 ларда опаси Аманликова Фарида Хатамкуловнанинг яшаш уйи ҳисобланган Ховос тумани, Туркистон массиви, А-сектор 53-уйи олдида ва хонадон ичида опаси Ф.Х.Аманликова билан бирга Л.Х.Холмуродовани ҳақорат қилиб, баданларига қўллари билан уриб тан жароҳати етказган.
Судга оид тиббиёт экспертизасининг 2022 йил 29 сентябрь кунидаги №851-сонли хулосасида Л.Холмуродовада пастки жағ, бўйин, иккала елка, чап тирсак соҳаларида қонталаш каби жароҳатлар мавжудлиги, ушбу жароҳатларнинг оғирлик даражаси бўйича соғлиқнинг қисқа муддатли бузилишига сабаб бўлмаган енгил шикаст деб баҳоланишлиги кўрсатилган.
Шундай қилиб, Аманликов Бахтиёр Хатамкулович ўзининг юқоридаги жиноий ҳатти-ҳаракатлари билан Ўзбекистон Республикаси ЖКнинг
140-моддаси 3-қисми “б” бандида кўрсатилган жиноятларни қасддан содир қилган.
Бундан ташқари, фуқаро Аманликов Бахтиёр Хатамкулович ўзининг жиноий ҳаракатларини давом эттириб, 2022 йил 23 декабрь куни соат 08:15 да Интернет жаҳон ахборот тармоғи ҳисобланган, ўзининг “А.В.Х” номи билан сақланган “телеграм” ижтимоий тармоғи орқали фуқаро Холмуродова Лола Хаитбой қизининг [phone] рақамига очилган “телеграм” ижтимоий тармоғига ўзбек миллий менталитетига тўғри келмайдиган турли-хил мазмундаги ҳақоратли сўзлар билан СМС хабарлар юбориб, уни ҳақорат қилган.
Шундай қилиб, Аманликов Бахтиёр Хатамкулович ўзининг юқоридаги жиноий ҳатти-ҳаракатлари билан Ўзбекистон Республикаси ЖКнинг
140-моддаси 3-қисми “б” банди ва 141¹-моддаси 2-қисми “б” бандида кўрсатилган жиноятларни қасддан содир қилган.
Мазкур жиноят иши бўйича айблов хулосаси 2023 йил 01 февраль куни Янгиер шаҳар ИИБ биносида, Ўзбекистон Республикаси ЖПКнинг
379-моддаси тартибида тузилган бўлиб, жиноят иши Ўзбекистон Республикаси ЖПКнинг 381-модаси тартибида айблов хулосасини тасдиқлаш ва тегишли судловга жўнатишлик учун Янгиер шаҳар прокурорига юборилиши лозим.