Tadbirkorlik pdf

Djobber – yirik miqdordagi tovarlarni tez sotib yuborish maqsadida xarid
qiladigan firma.
Dividend – aksiya egasining oladigan daromadi bo’lib, aksiyador jamiyati
foydasining bir qismini tashkil etadi.
Diler – birjadagi yoki savdodagi vositachi bo’lgan shaxs.
Diskaunter – rivojlangan mamlakatlardagi uzoq muddat ishlatishga
mo’ljallangan tovarlarni arzon bahoda va qo’shimcha xizmatsiz sotiladigan
do’kon.
Distribyuter – o’z nomidan va o’z mablag’i hisobiga tovarlarni xarid qilib,
sotuvchi vositachi. Mollarni ulgurji sotib oladi va chakana savdo firmalari,
do’konlarga sotadi.
Ijara – qarzga berish. Bir shaxs yoki korxona, tashkilotning boshqa shaxs,

---

korxonadan ma’lum muddatga va ma’lum to’lov to’laydigan sharti bilan oladigan
mulki.
Imidj – firmanin mavqyei, ishlab chiqarayotgan molning, xizmatning sifati,
rahbarlarning obro’si haqidagi buyurtmachi va xaridorning fikri.
Import – chet eldan tovarlarni sotib olish yoki boshqa usullar bilan keltirish.
Keltirilgan mol iste’mol, qayta ishlash, hatto tashqariga sotish maqsadida bo’lishi
mumkin.
Iqtisodiy nochor korxonalar – muayyan miqdorda kapital yo’qotish, ishlab
chiqarish maydonlarini qisqarishi, ishsizlar sonining ortishi, raqobatbardosh
bo’lmagan mahsulot ishlab chiqaradigan va buning uchun katta miqdorda
materiallar, xomashyo, yonilg’i, mexnat resurslari sarflaydigan qoloq, samarasiz
korxona.
Investisiya – kelgusida foyda olish, samaraga erishish maqsadida biror-bir
korxonaga uzoq muddatga kapital qo’yish.
Investor – investisiya bilan shug’ullanuvchi yuridik shaxs yoki fuqaro.
Injiniring korxona – muhandislik maslahat xizmatlarini tijoratchilik
qoidalariga asoslangan holda amalga oshiradigan korxona.
Inqirozga qarshi mo’ljallangan choralar dasturi – O’zbekiston
Respublikasi hukumati tomonidan 2009-2012 yillarga mo’ljallanib inqirozga
qarshi ishlab chiqilgan choralar dasturi bo’lib, mazkur dasturda talab va taklifni
rag’batlantirishga yo’naltirilgan bir qator moliyaviy imtiyozlar va barqaror
iqtisodiy o’sish sur’atlarini ta’minlovchi chora-tabdirlar majmui o’z aksini topgan.