Tarmoqlar iqtisodiyoti fanidan 3-joriy nazorat uchun glosarriy Absolyut narxlar

Investitsiya resurslari - bu investitsion faoliyati amalga oshirishda ishtirok
etadigan har xil ko’rinishdagi mablag’lar.

Investitsiyalarning qoplash muddatini hisoblash usuli - ularning nominal
miqdorda qoplanish davrini aniqlashga asoslanib, qoplash muddati loyihani amalga
oshirishdan olingan daromad investitsiyalar summasiga teng bo’lgandagi davrni
ifodalaydi.

Investitsiyalarning buxgalteriya rentabelligi usuli - buxgalteriya hisoboti
ma’lumotlari asosida o’rtacha daromadning investitsiyalarning o’rtacha yillik
hajmiga nisbatini aniqlashga asoslanadi.

Ipoteka krediti - qishloq joylarda tasdiqlangan namunaviy loyihalar bo’yicha
yakka tartibdagi uy-joy qurilishiga barpo etiladigan uy-joy garovi ostida
beriladigan uzoq muddatli kredit.

Imtiyozli davr - kredit bo’yicha asosiy qarzni bo’lib-bo’lib to’lash uchun
berilgan davr (imtiyozli davrda faqat kreditning foizlari to’lanadi).

Investitsiyalarning rentabelligi usuli - firma boyligining qanday hollarda
o’sishini aniqlash imkonini beradi va u diskontlangan daromadlarning
diskontlangan investitsiyalarga nisbati.

Yirik investitsiya loyihasi - bu umumiy qiymati tijorat banklarining birinchi darajali kapitalining 25 foizidan oshadigan investitsiya loyihasi.

Yig’ma smeta hisob - korxona, bino va inshootlar qiymatini belgilab
beruvchi asosiy hujjat.

Ijro hujjatlari - naturada bajarilgan ishlar yoki ishlarni bajarish uchun mas’ul
bo’lgan shaxslar tomonidan ularga kiritilgan o’zgarishlarning ushbu ishchi
chizmalarga muvofiqligi to’g’risidagi yozuvlar bilan birgalikda obyekt qurilishiga
ishchi chizmalar turkumi, sertifikatlar, texnik pasportlar va o’rnatilgan asbobuskunalarning sifatini va ishlarni bajarishda qo’llanilgan materiallar,
konstruktsiyalar va detallarning sifatini tasdiqlovchi boshqa hujjatlar,
berkitiladigan ishlar tasdiqlanganligi to’g’risidagi dalolatnomalar, ayrim
mas’uliyatli konstruktsiyalar oraliq davrda qabul qilinishi to’g’risidagi
dalolatnomalar, montaj qilingan asbob-uskunalarning yakka tartibdagi sinovi
to’g’risidagi dalolatnomalar, ishlarni bajarish daftarlari hamda qurilish normalari
va qoidalarida nazarda tutilgan boshqa hujjatlar.