Tarmoqlar iqtisodiyoti fanidan 3-joriy nazorat uchun glosarriy Absolyut narxlar

Rentabellik ko’rsatkichlari - korxonaning muayyan davr mobaynida uning
foydaliligini tavsiflab beradi. U olingan foydani qilingan xarajatlarga bo’lish orqali
aniqlanadi.

Reinvestitsiyalar - investorlar tomonidan korxonalar faoliyatidan olingan
foydani ishlab chiqarishni rivojlantirish maqsadida uni shu korxonaga qayta
kiritish.

Real investitsiya - asosiy fondlar va aylanma mablag’larga investorlar
tomonidan qo’yiladigan barcha turdagi boyliklar.

Sof aylanma kapital - bu joriy aktivlardan joriy majburiyatlarni, ya’ni qisqa
muddatli qarzdorlik, qisqa muddatli qarzlar va ayrim hollarda mijozlarning
depozitlari (joriy faoliyat uchun muhim hisoblanmagan qisqa muddatli
qo’yilmalar) dan tashkil topgan qisqa muddatli majburiyatlarning ayirmasidan
hosil qilingan natija.

Sinditsiyalashtirilgan kredit - bir necha banklar tomonidan yirik investitsiya
loyihalarini birgalikda kreditlash.

Sof joriy qiymat usuli (NPV) - muayyan vaqt oralig’idagi xarajatlar va
daromadlar farqini aniqlash uchun xizmat qiladi va sof joriy qiymat investitsiya
xarajatlari va olingan daromadlarning alohida davr bo’yicha kirim va
chiqimlarining diskontlanishi orqali hosil qilingan natijalar farqini ifodalovchi
qiymat.

Smeta foydasi - qurilish tashkilotining alohida (umumiy) xarajatlarini
qoplash uchun zarur bo’lgan va ishlar tannarxiga qo’shiladigan mablag’lar
summasi.

Tender hujjatlari - tender e’loning matni; tenderga taklifnomalar; qurilish
shartnomasining shartlari; savdoda qatnashish uchun ariza formasi; savdoda
qatnashish instruktsiyasi; pudratchi to’g’risidagi ma’lumotlarga talablar; takliflarni
texnik, moliyaviy baholash va g'olibni aniqlash me’yorlari; qurilish shartnomasi
loyihasi; tenderning texnik hujjatlari.