Tarmoqlar iqtisodiyoti fanidan 3-joriy nazorat uchun glosarriy Absolyut narxlar

Qurilish maydoni - mazkur shartnoma doirasida barcha ishlarni bajarish
davrida dalolatnoma bo’yicha Buyurtmachi tomonidan Pudratchiga berilgan er
uchastkasi. Obyektning qurilish maydoni chegarasi ajratib qo’yiladi yoki bosh
rejaga muvofiq belgilanadigan boshqa belgilar bilan belgilab qo’yiladi.
Shartnoma narxini bo’lib chiqish - ishlarning har bir bosqichi va turlari
qiymatini aniq belgilagan holda shartnoma bo’yicha obyektning umumiy qiymatini
bosqichlarga taqsimlash.

Shaxsiy mulk - mulk shakllari ichida muhim o’rin tutadi. Shaxsiy mulk bu
fuqarolar mulki bo’lib, ularning shaxsiy yoki oilaviy ehtiyojini qondirishga xizmat
qiladi. Bu mulk shakli asosan shaxsning yoki uning oila a’zolarining mehnati
asosida ko’payadi va rivoj topadi

Xususiy mulk - ayrim sohibkorlarga qarashli yollanma mehnatga asoslangan va o’z egasiga foyda keltiruvchi mulkdir.

Xususiylashtirish - davlat mulkini ma’lum darajada haqiqiy egalari -
fuqarolarga berish.

Yalpi aylanma kapital - bu xom ashyo zaxiralari, tugallanmagan ishlab
chiqarish, tayyor mahsulotlar, qadoqlangan materiallar, ehtiyot qismlar, debitorlik
qarzlari, pul mablag’lari va kelgusi davr xarajatlari yig’indisi.

Foydaning ichki me’yori usuli (IRR) - bu daromadlarning diskontlangan
qiymati investitsiyalarning diskontlangan qiymatiga teng bo’lgandagi daromadlilik
darajasi, ya’ni sof joriy qiymat nolga teng bo’lgandagi me’yor. Foydaning ichki
me’yori loyihadan kutilayotgan daromadlarning sof joriy qiymati uni amalga
oshirish uchun zarur bo’lgan investitsiyalarning joriy qiymatiga teng bo’lgandagi
diskont stavkasi.

Yakka tartibdagi uy-joy - bitta yoki bitta er uchastkasida joylashgan, ularga
tegishli yordamchi-xo’jalik imoratlari va hovli inshootlariga ega bo’lgan doimiy
yashash, dam olish va xo’jalik yuritishga mo’ljallangan bir nechta uy-joy
imoratlari.