«Tasdiqlayman» O’quv ishlari bo’yicha prorektor

Ўқувчилар ишини қуйидаги тарзда баҳолаш ҳам мумкин: ўқувчи ишни бажара олмади (55 % дан паст),бажарди (56-71 %), яхши бажарди (72-85 %), аъло даражада бажарди (86-100 %).
IV. Якуний йўриқнома – 5 дақиқа.
Гуруҳ ўқувчилари тўплаган баллар эълон қилиниб, ғолиб гуруҳ рағбатлантирилади. Бажарилган ишларнинг ютуқ ва камчиликлари таҳлил қилинади, йўл қўйилган хатоликлар сабаблари аниқланади ва бартараф этиш йўллари тушунтирилади.
Уйда бажариш учун топшириқ берилади. Устахонадаги нарсалар йиғиштирилиб, тартибга келтирилади.


Баҳолаш мезонлари

№	Бажариладиган амаллар номи	Ажратилган вақт	Баҳолаш мезонлари
1	Топшириқ бўйича керакли маълумотларни йиғиш		10 балл
2	Ишни режалаштириш		10 балл
3	Ишни бажариш учун қарор қабул қилиш		10 балл
4	Топшириқни амалга ошириш		10 балл
5	Бажарилган ишни текшириш		10 балл
6	Иш натижаси бўйича хулоса чиқариш		10 балл
7	Мавзу бўйича ижодий топшириқлар бажариш		40 балл
8	натижаси		20 балл
	ЖАМИ		100 балл

Саволлар ва топшириқлар

1. Мутахассислик фанларининг ўзига хос хусусиятлари нимада?
2. Касбий техникавий тушунчалар асосини нималар ташкил этади?
3. Мутахассислик фанларнинг мазмуни ва моҳиятига кўра қайси гуруҳларга ажратиш мумкин?
4. Мутахассислик фанларини умумтаълим ва умускасбий фанлардан фарқи нимада?
5. Мутахассислик фанларини ўқитиш методикасида қайси илмий тадқиқот методларидан фойдаланилади?
6. Илмий педагогик изланишлар жараёни неча босқичдан иборат?
7. Педагогик сўраш методига тушунча беринг ?
6-МАВЗУ: ЎҚИТИШ ЖАРАЁНИНИ ТАШКИЛ ЭТИШДА ДАСТЛАБКИ ТАЙЁРГАРЛИК. МУТАХАССИСЛИК ФАНЛАРНИНГ ЎҚУВ МАҚСАДИНИ ВА МАЗМУНИНИ БЕЛГИЛАШ
Ўқитиш жараёни - педагогнинг ва у раҳбарлик қилаётган талабаларнинг билим, кўникма ҳамда малакалар системаларини онгли равишда ва пухта ўзлаштиришга қаратилган изчил характерлари мажмуидан иборат.
Ўқитиш талабалар шахсини шакллантиришнинг, уларни ақлий ва жисмоний камол топтиришнинг, умумий ҳамда махсус билим беришнинг энг муҳим воситасидир.
Ўқитиш жараёни давомида талабаларнинг билим олиш кучлари ривожлантирилади.
Ўқитиш – ўқитувчининг таълим олувчиларга билим, кўникма ва малакалар тизимини бериш, уларнинг билим олиш ва ижодий қобилиятларини ривожлантириш борасидаги фаолиятидир.
Ўқиш – талабаларнинг ўқув фани материалини ўзлаштириш борасида қиладиган тизими ва онгли меҳнати. Ўқитиш икки томонлама жараёндир, у ўқитувчининг фаолияти ва талабалар фаолиятини ўз ичига олади. Ўқитувчининг фаолияти ўқув материалини баён қилишдан, талабаларга фанга қизиқишни, фикрлар ва эътиқодни таркиб топтиришдан, ҳамда талабаларнинг мустақил машғулотларига раҳбарлик қилиш, уларнинг билим, кўникма ва малакаларини текшириш шунингдек баҳолашдан иборат.
Ўқитиш жараёнининг иккинчи томони талабанинг фаолияти бўлиб, у ўқув фани материалини ўзлаштиришдан ҳамда билимларни ўзлаштириш жараёнида фикрлар ва эътиқодни ҳосил қилиш юзасидан олиб бориладиган системали меҳнатдан иборат.
Ўқитиш мазмуни ҳамма вақт тегишли ўқув фани дастури билан белгиланишини, талабаларнинг ўқишини эса ўқитувчи йўлга солиб туришини назарда тутиб, муваффақиятли таълим беришнинг асосий шарти таълим бериш мазмуни, ўқитиш ва ўқиш орасидаги чамбарчас узвий боғланиш деб ҳисобламоқ керак. Ўқув жараёнининг тўғри қўйилиши шу билан характерланадики, ҳар қайси босқичда талабалар ўрганиладиган материални тушуниб оладилар, ўқув ва малакаларини такомиллаштирадилар, бирорта янги нарсани идрок этадилар.
Ўқитишнинг ташкилий кўринишлари деганда, ўқитувчи ва таълим олувчиларнинг махсус ташкил этилган, белгиланган тартибда ва муайян режимда ўтадиган фаолияти тушунилади.
Ўқитишнинг у ёки бу ташкилий кўриниши гуруҳли ва индивидуал ўқитишнинг ҳар хил кўринишида қўшиб олиб борилиши, ўқитишда таълим олувчилар мустақиллигининг турли даражаси, талабаларнинг ўқишига ўқитувчи раҳбарлигининг ҳар хил усуллари билан характерланади.
Мутахассислик фанларини ўрганишда назарий ва амалий машғулотлар бир вақтда ўтказилса яхши натижа беради. Бу ҳол машғулотлар системасини режалаштиришни осонлаштиради ва дарсларда мустақил график ишлар ва ҳисоблашлар, машқлар ва шу кабилар ўтказишни енгиллаштиради. Педагогик адабиётларда дарсларни уларнинг белгиловчи ҳар хил аломатлари асосида класификациялашнинг турли вариантлари келтирилади. Бундай аломатлардан бири ўрганиладиган материалнинг мазмунидир. Дарсларни классификациялашнинг бошқа бир аломати уларни ўтказиш усулларидир. Ўтказиш усуллари деганда ўқитувчининг маълум мақсадга қаратилган фаолиятида, дарсни ўтказиш методикасида ифодаланган ташкилий ва бошқа моментлар мажмуи тушунилади.
Шу нуқтаи назардан дарсларнинг қуйидаги турлари бўлади: маъруза, суҳбат ва экскурсия дарслари, видеотасвир, таълим олувчиларнинг мустақил иши дарси, лаборатория иши, амалий иш, аралаш дарс ва ҳоказолар.
Кўп ҳолларда дарсларни асосий дидактик мақсад бўйича классификациясини энг маъқул деб ҳисобламоқ керак. Бу классификацияни энг маъқул деб айтишнинг сабаби шундаки, у бошқа ҳамма нарсадан ташқари дарснинг ўқув жараёнидаги ўрнини ҳисобга олади. Бу аломатга кўра дарсларни қуйидаги турлари мавжуд: янги билимни баён этиш дарслари, билимни пухталаш, такрорлаш ва умумлаштириш, талабаларнинг билим ва малакаларини текшириш, аралаш дарслари.