Tema: kirisiw. Sintaksis hám onin` izertlew obyekti

Ayırımlanǵan ayqınlawıshlar

Gáptiń ayırımlanǵan aǵzalarınıń ishinde ayırımlanǵan ayqınlawısh kóp ushıraydı. Ayqınlawısh aǵzalar gáp ishinde ayırıqsha máni ajıratıw ushın ayırımlanıp qollanıladı hám ózi ayqınlaytuǵın sózden keyin keledi.
Ayırımlanǵan ayqınlawıshlardıńózgeshelikleri:1. Ayırımlanǵan ayqınlawıshlar ózi ayqınlaytuǵın sózden keyin kelip onıń mánisin túsindiredi, anıqlaydı.Mıs: Onıń yadına Axmedjan, tuńǵısh ulı kelip qaldı.Bul jumıs Temirbekke, traktorshıǵa tapsırılǵan.2. Ayqınlawıshlar ayqınlaytuǵın sózi qanday seplik jalǵawında tursa, sol seplikte keledi. Mıs: Dártin, awıllaslarına ókpe giynesin, Allayarǵa aytayın dese-ol ele bala. Arqadan, awıl tárepten, eki atlı kórindi.3. Betlik almasıqlarınıń anıqlawshısı bolıp qollanǵan ayqınlawıshlar ajıratılǵan boladı.Olar, biziń awıldıń jigitleri, keliwi kerek.4. Ayırımlanǵan ayqınlawıshlar kómekshi sózler menen qol­lanılıwı múmkin. Ol, yaǵnıy Úrgen ǵarrı, teńizge isenetuǵın edi.Awıldıń qız-jigitleri, yaǵnıy jaslar, kolxoz klubına kel­sin.5. Ayırımlanǵan ayqınlawıshlar keńeytilgen túrde de qolla­nıladı. Mıs: Gúljan, fabrikamızdıń eń aldıńǵı tigiwshisi, jıllıq jobasın qashshan orınladı.

Ayırımlanǵan anıqlawısh

Ayırımlanǵan anıqlawıshlar predmettiń belgisi bilidirip ayırımlanbaǵan túrine qaraǵanda tásirli aytıladı.
Izafetlik anıqlawıshlar: ayırımlanǵanda ekewide iyelik sepliginde turadı. Professordıń, Sergey Pavlovichtiń, sharshaǵan­lıǵı júzinen málim bolıp tur. Ol bizdi, bir nársege ókpelegen adamday, salqın kútip aldı.Ayırımlanǵan aǵzalar gáp ishinde útir hám sızıqsha menen ajıralıp turadı.Kópshilik jaǵdaylarda ayırımlanǵan ayqınlawıshlar sızıqsha menen ajıratıladı.Mıs: Qudiyardıńúyine eki qızı - Gúljan hám Ayjan kelgen eken. Onıń qasındaǵı leytenant Serjanov-uzın boylı, iri deneli adam-bizler menen sóylesti. Sonday-aq, birgelkili aǵzalar ulıwmalastırıwshı sózler menen kelgende birgelkili aǵzalar ayırımlanǵan ayqınlawısh xızmetin atqaradı.Mıs: Úydegilerdiń hámmesi-kempir hám onıń eki balası, stantsiyaǵa ketken edi.Úshewimiz-Mádiyar, aǵam hám men-dár`ya betke kiyatırmız.
Ayırımlanǵan anıqlawıshlar kóbinese sózlerdiń orın tárti­binińózgeriwi arqalı ayırımlanıp keledi.Mıs: Beli, tap úzilip ketetuǵınday, jip-jińishke.