Tema: kirisiw. Sintaksis hám onin` izertlew obyekti

2. Bayanlawısh baǵınıńqılı qospa gápler
Bayanlawısh baǵınıńqılı qospa gápte baǵınıńqı gáp bas gáptegi qatnaslıq sózden bolǵan bayanlawıshtıń mazmunını túsindirip, anıqlap keledi. 1 qatnaslıq sózli hám 2 qatnaslıq sózli boladı.

1 qatnaslıq sózli bayanlawısh baǵınıńqılı qospa gáp
sol	Ótinishimiz sol, búgin sharwalar arasına barıp qaytasań.
sonda	Eń ayanıshlı tárepi sonda, biz bul haqqında birinshi ret aytıp otırǵanımız joq.
sonday	Dawıldıń kúsheygenligi sonday, birew qos qollap gewdeńnen iytergendey keyinge qaray alıp ketedi.
sonsha, sonshelli	Baslıqtıń ashıwı kelip otırǵanı sonsha(sonshelli), qolı jumısqa barmay qaldı.
sol+bol sol+ibarat	Bul lazerdiń ózine tán qásiyeti sonnan ibarat, ol organizmdegi keselliklerdi sonday dárejede tez jazatuǵını sonshelli, janındaǵı toqımalar hátte, zıyanlanıp ta úlgermeydi.

2 qatnaslıq sózli bayanlawısh baǵınıńqılı qospa gáp
kim, qanday, qansha − sol, sonday, sonsha+bol	Awıllasıń kim bolsa, atalasıń sol boladı.

3. Tolıqlawısh baǵınıńqılı qospa gápler
Tolıqlawısh baǵınıńqılı qospa gáptiń quramındaǵı baǵınıńqılı gáp bas gáptegi qatnaslıq sóz arqalı bldiriilgen tolıqlawıshtı túsindirip, onıń mánisin tolıqtırıp keledi.