Темперамент типларини аниқлаш

Тип № 19
Э: 4—8; Н: 4-8
Намоён булиш хусусиятлари. Тинч ва хотиржам тип. Камгап, мулохазали. Секин иш қилади, лекин уни охиригача етказади, мустақил, купроқ уз ақли билан иш куради, синчков, захматкаш. Хиссиётларга берилмайди, камсуқум. Баъзан реал шароитни унутиб қуядиёки.
Коррекция йуллари. Бу типдаги усмирларда уз-узига бахо бериш қобилиятини, интилишлар доирасини ривожлантириш керак. Унинг мойилликлари ва қобилиятларини аниқлаш лозим. Унга катта шахсий масъулияти бор булган ишни топшириб қизиқтириш керак (бу иш одамларга қараганд купроқ қоғозлар билан боғлиқ булгани маъқул). Бу типдаги усмирлар турли масалалар юзасидан мулойим ва охисталик билан берилган маслахат ва тавсияларга мухтождирлар.
Тип.№ 20
Э: 16-20; Н: 16-20
Намоён булиш хусусиятлари. Жуда намойишкор, хамдард була олмайди. Хиссиёти жуда қашшоқ. Узини жамоага, гурухга қарши қуйишни, купчиликдан нимаси биландир фарқланишни яхши куради. Узи учун қимматли булган мақсадларига эришишда жуда тиришқоқ. Имтиёзли ва салохиятли булишга интилади. Тез-тез сохталикларга йул қуйди. Жуда амалиётчи.
Коррекция йуллари. Юмшоқ режимда, сабр билан таъсир этиш керак, акс холда тескари-қайсарлиги тутиб ундаги салбий хислатлар кучлироқ намоён булиши мумкин. Ғайратини фойдали нарсага сарф қилдириш, биринчи булишга булган иштиёқини ижтимоий маъкул шаклда намоён эттириш учун спорт ёки техник машғулотларга жалб этиш лозим. Эстетик тарбия бериш мақсадга мувофиқ. Кучли етакчиси булган ижобий ижтимоий гурухлар таркибига киритиш мақсадга мувофиқ.
Тип № 21
Э: 12-16; Н: 8-12
Намоён булиш хусусиятлари. Жуда ғайратли, қувноқ. Хамма унга мафтун. Бу типдаги усмирлар бошқалар томонидан омадли, бахтли хисобланади. Хақиқатдан хам улар купинча жуда иқтидорли булишади, фанларни осон узлаштирадилар, артистлик махоратига эгадирлар, чарчоқ нималигини билмайдилар, тинимсиз харакатда, фаолиятда буладилар. Бироқ шу ижобий хислатлар салбий оқибатларга олиб келиши мумкин. Уларда кичкиналикдан «хамма нарса қулимдан келади, қаерга қулимни чузсам етади» деган фикр ва одат пайдо булиши мумкин. Натижада мақсадга эришиш йулида жиддий иш олиб боришга урганмайди. Хар қандай нарсадан осонгина воз кечишади, шу жумладан дуслик алоқаларини хам узишади. Муносабатлари юзаки. Жуда паст ижтимоий онг сохиби.