Teoriyaliq materiallar 1-tema. Finanslıq analiz pániniń teoriyalıq tiykarları

Finanslıq analiz pániniń predmeti hám obyekti

Kórsetkishler	Anıqlaması	Klassifikaciyası
Analiz predmeti	Hár túrli menshik formasındaǵı xojalıq júritiwshi subyektlerdiń finanslıq-xojalıq iskerligin, onıń nátiyjeliligin kórsetkishler sistemasında, úzliksizlik hám baylanısta, faktorlarǵa baylanıslı túrde hár túrli maǵlıwmat dereklerinen paydalanǵan halda dáwirli úyreniw	Ekonomikalıq ózgerislerdi ashıp beriw
		Erisilgen nátiyjelerge durıs baha beriw
		Óndiris nátiyjeliligin asırıw imkaniyatların anıqlaw
		Reje hám basqarıw qararların tiykarlaw
Analiz obyekti	Hár túrli menshik formasındaǵı xojalıq júritiwshi subyektler hám olardıń quramlı buwınlarınıń (bólim, cex, brigadalar) iskerligi, ekonomikalıq nátiyjeleri, múlkiy-finanslıq jaǵdayı, óndiris, támiynat, satıw, finanslıq iskerligi bolıp esaplanadı	Ónim islep shıǵarıw hám satıw
		Resurslardan paydalanıw
		Óndiris qárejetleri hám ónimniń ózine túser bahası
		Finanslıq nátiyjeler hám finanslıq jaǵday

Finanslıq analizlew arqalı xojalıq subyektiniń nátiyjeli iskerligin jolǵa qoyıw hám onı joqarılatıw imkaniyatların bahalawda, kárxananıń óndiris, kommerciya hám finans iskerliginen finanslıq resurslardıń kirisine hám olardan finanslıq jaǵdaydı joqarılatıwda paydalanıw dárejelerine, finanslıq nátiyjelerdiń kútiliwin prognozlaw hám ekonomikalıq rentabellikti xojalıq iskerliginiń real imkaniyatlarınan kelip shıqqan halda asırıwdıń jolların belgilewge, finanslıq resurslardan jáne de nátiyjeli paydalanıwdıń is-ilajların belgilewge áhmiyet qaratıladı.

Finanslıq analiz aldına qoyılatuǵın tiykarǵı wazıypaları:

- xojalıq júritiwshi subyektlerdiń jaqın hám uzaq dáwirliliktegi reje, prognoz kórsetkishlerin (ilimiy, ekonomikalıq jaǵınan) tiykarlaw;

- reje hám prognoz kórsetkishleriniń orınlanıwına, nátiyjege erisiw boyınsha olardıń tásirsheńligine baha beriw;

- xojalıq júritiwshi subyekt qadaǵalap turatuǵın ekonomikalıq resurslarǵa, olardıń nátiyjeliligine baha beriw;

- iskerliktiń ekonomikalıq kórsetkishlerine, erisilgen nátiyjelerine baha beriw;

- xojalıq júritiwshi subyekttiń likvidligi, tólemge qábileti, islep atırǵan ortalıq ózgerislerine qatnas bildire alıwınıń finanslıq jaǵdayǵa tásirin bahalaw.

- ekonomikalıq nátiyjelilikti joqarılatıw, iskerliktiń kommerciya esaplılıǵı, dáramatlardı arttırıw hám finanslıq jaǵdaydı jaqsılaw boyınsha ishki imkaniyatların anıqlaw hám olardı jolǵa qoyıw is-ilajların belgilew;