Tir convention Uzbekistan

4. Jo‘natish bojxonasi joylashgan mamlakatning bojxonasi XYT kitobchasini 
rasmiylashtirishga qabul qilgan paytdan boshlab, kafolat birlashmasi shu 
mamlakatning vakolatli organlariga nisbatan javobgar bo‘lib qoladi. Hududida 
XYT tartiblariga rioya qilgan holda yuklarni tashish davom etadigan quyidagi 
mamlakatlarda ushbu javobgarlik yuklar olib kirilishi bilan yoki, agar XYT tashish 
26-modda 1 va 2-bandlarining qoidalariga muvofiq to‘xtatib turilganda, XYT 
tashish yana yo‘l qo‘yiladigan bojxona tomonidan rasmiylashtirish uchun XYT 
kitobchasi qabul qilingan paytdan boshlab boshlanadi.  
(ECE/TRANS/17/Amend.21, 2002 yil 12 mayda kuchga kirgan) 
5. Kafolat birlashmasi nafaqat XYT kitobchasida sanab o‘tilgan yuklar uchun, balki 
ushbu kitobchada sanab o‘tilmagan, lekin yo‘l transport vositasining plombalangan 
qismida yoki plombalangan konteynerda mavjud bo‘lgan har qanday yuklar uchun 
ham javobgar hisoblanadi. Birlashma boshqa hech qanday yuklar uchun javobgar 
bo‘lmaydi. 
8-moddaning 5-bandiga tushuntirish xati 
0.8.5 
Agar kafolat birlashmasiga XYT kitobchasida sanab o‘tilmagan yuklar 
uchun talab qo‘yiladigan bo‘lsa, unda tegishli ma’muriy organ nimalar 
asosida ushbu yuklar avtotransport vositasining plombalangan qismida 
yoki plombalangan konteynerda bo‘lgan deb xulosa chiqargan dalillarini 
ko‘rsatishi kerak. 
(ECE/TRANS/17/Amend.6, 1985 yil 1 avgustda kuchga kirgan, 
ECE/TRANS/17/Amend.30, 2012 yil 13 sentabrda kuchga kirgan) 
6. Mazkur moddaning 1 va 2-bandlarida eslatib o‘tilgan bojlar va yig‘imlarning 
summalarini belgilash maqsadida, XYT kitobchasiga kiritilgan yuklarga taalluqli 
bo‘lgan ma’lumotlarning aksi isbotlanmaguncha, ular haqiqiy deb tan olinadi.  
8-moddaning 6-bandiga tushuntirish xati 
0.8.6 
1. XYT kitobchasida yuk haqida bojlar va yig‘imlar miqdorini aniqlash 
imkonini beruvchi yetarlicha aniq ma’lumotlar yo‘q bo‘lganida, 
manfaatdor tomonlar yukning haqiqiy tabiatidan dalolat beruvchi 
dalillarni taqdim etishlari mumkin. 
2. Agar hech qanday dalillar taqdim etilmasa, bojlar va yig‘imlar yukning 
tabiatiga taalluqli bo‘lmagan bir turdagi stavkalar bo‘yicha emas, XYT 
kitobchasida ko‘rsatilgan toifadagi yuklarni olib kirish yoki olib chiqish 
uchun nazarda tutilgan eng yuqori stavka bo‘yicha undiriladi.