Тошкент давлат аграр университети томорқа сабзавотчилиги

ТУПРОҚНИ ОРТИҚЧА НАМЛАБ ЮБОРИШ
Тупроқда намлик миқдори ортиб кетса 
унга ҳавонинг кириб туриши қийин-
лашади. Натижада юза илдиз тизими 
ривожланади, илдизларнинг ўсиши 
секинлашади ва улар ўсимликка озиқа 
моддалари ва сувни фаол етказиб ту-
ришдан тўхтаб қолади. Барглар кўпин-
ча хиралашади, ўсимликнинг ўсиши 
секинлашади. Бундан ташқари ортиқча 
намлик илдиз чиришига олиб келади. 
Курашиш усули: Тупроққа дағал орга-
ник ўғитлар солинади, меъёрида суғо-
риб турилади ва тупроқ юзаси мулча-
ланади.
МИКРОЭЛЕМЕНТЛАР ТАНҚИСЛИГИ
Сабзавот экинларида микроэлементлар 
етишмаслиги кўпинча барг томирлари 
оралиғидаги тўқималарнинг сарғайиши 
ва баргнинг қорайиши билан ифода-
ланади. Микроэлементлар ичида қуй-
идагилар энг муҳимлари ҳисобланади: 
магний, марганец, темир, молибден ва 
бор. Тупроққа етарлича миқдорда ком-
пост ёки гўнг солинг. Агар томорқангиз 
тупроғида микроэлементлар танқис 
бўлса, у ҳолда баҳорда махсус микро-
элементли ўғит эритмасини тупроққа 
пуркаб чиқинг.
АЁЗ
Эрта баҳорги кучли аёзлар иссиқсевар саб-
завотларни бутунлай нобуд қилиши мумкин. 
Картошка ва сарсабил поялари бутунлай қо-
райиб қолади, аммо аёзли кунлар ўтиб кетгач 
одатда янги соғлом поялар ўсиб чиқади. Қис-
ман зарарланишда баргларда сариқ доғлар 
пайдо бўлади ёки барг четлари қорайиб қо-
лади. Уруғ ва кўчатларни тавсия этилган муд-
датдан илгарироқ экишга уриниб кўрманг.
СОЯЛАНИШ
Кичик томорқаларда ёруғлик етишмасли-
ги сабабли ўсимликлар ўсишдан қолади, 
уларда кучсиз поялар ривожланади ва 
майда барглар шаклланади. Бундай ўсим-
ликларда касалланиш ва зараркунандалар 
тушиш хавфи ҳам кучаяди. Шу боис соя кўп 
тушадиган жойларда баргли ва илдизмева-
ли сабзавотлар етиштириш мақсадга муво-
фиқдир.