Toshkent moliya instituti "bank ishi" kafedrasi "bank ishi" fanidan

1. Kurs ishiga qo’yiladigan umumiy talablar. 
Kurs ishining maqsadi va vazifalari 
5230700 - “Bank ishi bakalavriat ta‘lim yo‘nalishi o’quv rejasiga muvofiq “Bank 
ishi” fanidan kurs ishini yozish va uni himoya qilish nazarda tutilgan. Kurs ishining 
talabga javob beradigan darajada tayyorlanishi va muvaffaqiyatli himoya qilinishi fanni 
yanada to’liqroq o’zlashtirishga, shuningdek, ilmiy ish bajarish bo’yicha ko’nikmalarni 
shakllantirish uchun dastlabki pog’ona bo’lib hisoblanadi. 
Kurs ishning maqsadi - talabalarning “Bank ishi” fanidan olgan nazariy bilimlarini 
chuqurlashtirishdan iborat. Kurs ishi talaba tomonidan bajarilgan mustaqil izlanish bo’lib, 
aniq bir mavzuga bag’ishlab yoziladi. 
Kurs ishining asosiy vazifalari quyidagilardan iborat: 
- asosiy fanlar bo’yicha talabaning nazariy jihatdan olgan bilimlarini bir tizimga 
solish, ularni mustahkamlash; 
- mutaxassislik va uning aniq bir sohasi bo’yicha olingan bilimlarni yanada 
chuqurlashtirish va kengaytirish; 
- talabani nazariy jihatdan ilmiy xulosa qilish va mustaqil fikrlashga o’rgatish; 

---

6 
- nazariy jihatdan olingan bilimlarni sintez qilish va amaliyotdagi tahliliy 
ma’lumotlarni tahlil qilish asosida muammolarning to’g’ri yechimini topishni o’rgatish;
- amaliy hisobot ma’lumotlarini ilmiy jihatdan asoslangan holda xulosalay olish. 
Kurs ishini muvaffaqqiyatli bajarilishining muhim omili – bu talabaning o’z 
qiziqishi va qobiliyatiga qarab mos mavzuni tanlashi hisoblanadi. Shuning uchun, ushbu 
bosqichda talaba mavzu tanlashda sinchkov va mas’uliyatli bo’lishi lozim. 
Kurs ishi mavzulari kafedra tomonidan ishlab chiqiladi va tasdiqlanadi. Kurs ishi 
mavzusi talabalarni nazariy bilimlarini mustahkamlashga va ijodiy fikrlashga qaratilgan 
bo’lishi bilan bir qatorda zamon talablaridan kelib chiqib belgilanadi. 
Kurs ishini bajarish uchun mavzuni tanlab olgan talaba uni yozishdan oldin darslik, 
o’quv qo’llanma, ilmiy-amaliy jurnallar, davriy nashrlar, me’yoriy hujjatlar va internet 
saytlari bilan tanishib chiqishi tavsiya qilinadi. Tanishishni birinchi navbatda, 
O’zbekiston Respublikasi Qonunlari, O’zbekiston Respublikasi Prezidentining 
Farmonlari, Qarorlari va asarlari, Hukumat qarorlari va boshqa me’yoriy hujjatlarni 
o’rganishdan boshlash maqsadga muvofiq. Bundan tashqari, bank tizimi sohasiga oid 
qonunlar va maxsus me’yoriy hujjatlar to’plamidan ham foydalanish mumkin. Talaba 
mavzuga mos adabiyotlar bilan tanishib bo’lgandan so’ng, uni o’rganishni boshlashi 
kerak. Ushbu mavzuga oid adabiyotlarni avval tizimli ravishda yig’ib olib, so’ngra 
ulardan foydalanish tavsiya qilinadi.
Kurs ishi mavzusini tanlash va rejasini tuzishda adabiyotlardan foydalanish juda 
katta ahamiyat kasb etadi. Talaba kurs ishini yozishda o’zi uchun qiziqarli va tushunarli 
mavzuni tanlashi lozim. Tanlangan mavzu bo’yicha rejani tuzishda, uning ahamiyatini, 
huquqiy asoslarning yetarliligi, dolzarbligi va bu muamolarni bartaraf etish mumkinligini 
adabiyotlardan foydalangan holda o’rganib chiqadi. Shuningdek, talaba kurs ishi 
ma’lumotlarini tahlil qilishda e’lon qilingan moliyaviy hisobotlar, statistik 
ma’lumotlardan keng foydalanishi lozim.