Toshkent moliya instituti "bank ishi" kafedrasi "bank ishi" fanidan

2. Kurs ishining tarkibi va mazmuni. 
2.1 Kurs ishini an’anaviy tarzda tayyorlash 
Kurs ishi o’z tarkibiga titul varag’ini, kirish, asosiy qism, xulosa, foydalanilgan 
adabiyotlar ro’yxati, amaliy ma’lumotlar manbai va ilovalarni oladi. Ular quyidagi 
tartibda joylashtiriladi: 
1. Titul varag’i;
2. Kirish. 
3. Asosiy qism (Kurs ishining mavzusini yoritish bilan bog’liq 3-4 ta savollardan 
iborat bo’ladi). 
4. Xulosa. 
5. Foydalanilgan adabiyotlar ro’yxati. 

---

7 
6. Ilovalar. 
Titul varag’i. 
Titul varagi quyidagi ma’lumotlardan iborat bo’ladi: 
- O’zbekiston Respublikasi Oliy va o’rta maxsus ta’lim vazirligi: 
- Institutning to’liq nomi - Toshkent moliya instituti; 
- Kafedra nomi - “Bank ishi”;
- Kurs ishining mavzusi; 
- Talabaning familiyasi, ism-sharifi, kursi, guruhi;
- Ilmiy rahbar familiyasi ism-sharifi, ilmiy darajasi, ilmiy unvoni; 
- Kurs ishi bajarilgan yil.
Kurs ishining kirish qismida quyidagilar yoritilishi kerak: 
Kurs ishning kirish qismida mavzu tanlashda e’tibor qaratilishi kerak bo’lgan 
jihatlari, uning ahamiyatini, mavzuni o’rganishdan maqsad va vazifalarini, uning 
dolzarbligini o’z ichiga olishi kerak. 
Kurs ishida o’rganilayotgan mavzuning izlanish olib borilayotgan davrdagi holati, 
shu sohadagi mavjud muammolar, ularni ishlab chiqishdagi turli yondashuvlar alohida 
ta’kidlanib, ularning kamchilik va yutuqlari ko’rsatilgan holda mavzuning dolzarbligi 
asoslanishi lozim. 
Asosiy qism 
Kurs ishining asosiy qismi butun ishning deyarli 85-90 foizini tashkil qiladi. Ushbu 
qismda tanlangan mavzu va unga tegishli masalalar bo’yicha yetakchi olimlar, 
mutaxassislar fikrlarini tizimlashtirish, ular bo’yicha o’z fikrini bayon qilish va asoslash, 
o’rganilayotgan ob`yektning ma’lumotlariga asoslanib aniq tahliliy ishlarni bajarish 
asosiy vazifa bo’lib hisoblanadi.
Bunda amaliyot ma’lumotlari, hisobotlari, statistik ma’lumotlar asosida hozirgi 
zamon tadqiqot usullarini qo’llash bilan o’rganiladigan masala yoki muammolarning 
haqiqiy holatini tahlil qilish, mavjud kamchiliklarni aniqlash, o’rganilgan savollar 
bo’yicha o’z fikrini bildirish lozim bo’ladi. 
Masalan, “Bank tizimi faoliyatining dolzarb masalalari” mavzusi bo’yicha kurs 
ishi bank tizimi faoliyati haqida tushuncha, tijorat banklarinin aktiv va passiv
operatsiyalari, bank tizimi likvidliligini tartibga solish, bank faoliyatini nazorat qilish va 
taribga solish kabi masalalarini yozish lozim bo’ladi.
Kurs ishi mavzusiga oid ma’lumotlarni tahlil qilish asosida umumiy xulosalar qilib, 
aniq tavsiyalar va takliflar ishlab chiqish va ularni iqtisodiy asoslash ham asosiy bo’limga 
tegishli vazifalardan hisoblanadi. 
Asosiy qism o’z ichiga quyidagi bo’limlarni qamrab olishi tavsiya etiladi: 
- mavzuga oid ilmiy nazariya va yondashuvlarni, metodologok jihatlarni, huquqiy 
asoslarni aniqlash va tizimlashtirish; 

---

8 
- mavzu doirasidagi statistik ma’lumotlar, aniq ob’yektlar, zamonaviy 
tendensiyalar, mavjud holatni tahlil qilish va baholash; 
- tahlil va baholash natijasida muammolarni aniqlash va tizimlashtirish, istiqbollar 
bo’yicha takliflar berish, takomillashtirish bo’yicha ustuvor yo’nalishlarni aniqlash. 
Xulosa 
Kurs ishining oxirgi qismi "Xulosa" qismi bo’lib, unda kurs ishida o’rganib 
chiqilgan mavzu bo’yicha fikrlar umumlashtirilgan va qisqa shaklda beriladi, mavzuga 
oid ko’rsatilgan muammolarning yechimi, kamchiliklarni bartaraf etish yo’llari, 
amaliyotda qo’llash mumkin bo’lgan takliflar va boshqa g’oyalar keltiriladi.