KARZDAR [karyzza:r], at. Birinden pul ýa-da
zat alan bergidar, bergili, bergisi bolan.
KARZDARLYK [karyzza:rlyk], at. Bergidarlyk,
bergililik.
KARZ-KOWAL [karyz-kowol], at, ser. Karz.
Bary-ýogy bir ýyl mundan ozal karz-kowal alyp,
Abdyllany öýeripdi (G. Kulyýew).
KASAM, at. Ýokary döwlet derejesinde
geçirilýän çärelerde Watana, ýurduň Ýaragly
Güýçlerine, lukmançylyk käriňe janyň-teniň bilen
wepalydygyň hakynda dabaraly söz bermeklik.
Bitarap Türkmenistanyň mukaddes Watançylyk
Kasamy.
Kasam etmek beren wadaň we ş.m. üçin äht
etmek.
KASAS, at. Ar, öç; hun.
Kasas kyýamata galmaz “ar, öç kyýamata, o
dünýä galýan däldir” diýen manyda ulanylýan
aňlatma.
KAST [kas(s)], at. Betpällik bilen edilýän
hereket, öňünden oýlanylan bet niýet, hyýanat.Şol
ajap güllerden ýigrenji ýylan, Ynsanyň kastyna zäher
döredýär (M. Seýidow).
Kast etmek betpällik bilen ýüregine düwen
ýaman niýetini amala aşyrmak üçin hereket etmek,
birine ýamanlyk etmek. Kasty bar ýaly öçli ýaly, ary
köýen ýaly.
KASYDA [kasy:da], at, edeb. Biriniň şanyna
düzülýän her bendi iki setirli, gazal görnüşinde
kapyýalaşýan öwgüli goşgy, tarypnama. Baýram han
Türkmen birnäçe kasyda ýazypdyr.
KASYT [ka:syt], at, k.d. Habarçy, hat gatnadyjy,
çapar. Kasyt gerek bu ýollarda ýörmäge (
Saýatly –
Hemra
).
KAŞ, at. 1. Ters, jet. Hoş mylaýym boluň, kem
suhan olmaň, Menden zynhar, iliň bilen kaş bolmaň!
(Magtymguly). 2. Duşman, ýagy.
KAŞAŇ, syp. Uludan owadan, gelşikli, bezegli.
Do'stlaringiz bilan baham: |