Türkmenistanyň Bilim ministrligi Magtymguly adyndaky Türkmen döwlet uniwersiteti

 
Tohar (B) dili- hindi-ýewropa dilleriniň tohar 
toparyna girýär. Hytaýyň demirgazyk-gündogarynda 
(häzirki Uýgurystan) V-VIII asyrlarda ýaýrapdyr. Tohar 
(B) diliniň saklanyp galan ýazuw ýadygärlikleri tohar (A) 
diliniňkä garanyňda has köpdür hem-de manysy we žanr 
aýratynlygy 
boýunça 
dürlidir. 
Grammatik 
many 
aňlatmakda sintetik usullara eýedir. Ýazuwy hindi ýazuw 
ulgamynyň bogun ýazuwy esasynda bolupdyr. 
 
Truk dili- awstroneziýa dilleriniň mikroneziýa 
toparyna degişlidir. Mikroneziýa Federatiw ştatlarynyň 
Truk ştatynda ýaýrandyr. Bu dilde gepleýänleriň sany 43 
müň töweregi adam. Ýazuwy latyn elipbiýiniň 
esasyndadyr. 

---

113 
 
Tuwalu dili- awstroneziýa dilleriniň polineziýa 
toparyna girýär. Tualu döwletinde ýaýrandyr. Bu dilde 
gepleýänleriň sany 10 müň adam töweregidir. Şiweleriniň 
arasyndaky tapawut örän uludyr. Tualu diliniň döwlet 
derejesi bolmasa-da (döwlet dili iňlis dili) ol durmuşyň 
ähli ugurlarynda peýdalanylýar. Ýazuwy latyn elipbiýiniň 
esasyndadyr. 
 
Tuwa dili- türki dillerine degişlidir. Tuwa 
respublikasynda rus dili bilen bilelikde resmi dil 
hökmünde ulanylýar. Bu dilde 185 müň adam gepleýär. 
Merkezi, 
günbatar, 
demirgazyk-gündogar,günorta-
gündogar şiweleri bar. Grammatik gurluşy goşulma arkaly 
söz üýtgedilişi amala aşyrýan dillere degişlidir. 
Grammatik many aňlatmakda sintetik usullar agdyklyk 
edýär. Sözlük düzüminde mongol dilinden alnan sözler 
köp. Ýazuwy 1930-njy ýyldan başlap latyn, 1940-njy 
ýyldan rus elipbiýiniň esasyndadyr.
 
Tungaruan 
dili-awstroneziýa 
dilleriniň 
mikroneziýa toparyna degişlidir. Kiribatiýanyň döwlet 
dilidir. Bu dilde gepleýänleriň sany 60 müň töweregi 
adamdyr. Grammatik many aňlatmakda analitik usullara 
eýedir. Ýazuwy latyn elipbiýiniň esasyndadyr.