Türkmenistanyň Bilim ministrligi Magtymguly adyndaky Türkmen döwlet uniwersiteti

 
Täjik dili- hindi-ýewropa dilleriniň eýran toparyna 
girýär. Täjigistanyň döwlet dili bolmak bilen, Eýranyň, 
Owganystanyň käbir etraplarynda-da ýaýrandyr. Täjik 
dilinde 7,2 mln adam gepleýär, olardan 3 mln töweregi 
Täjigistanda ýaşaýar. Grammatik many aňlatmakda 
analitik usullara eýedir. Täjigistanda rus elipbiýiniň 
esasyndaky, Eýranda we Owganystanda arap elipbiýiniň 
esasyndaky ýazuw peýdalanylýar.
 
Taitýan dili- awstroneziýa dilleriniň polineziýa 
toparyna degişlidir.Fransuz Polineziýasynyň ýerli ilatynyň 
arasynda ýaýrandyr. Taitýan dilinde 100 müň töweregi 
adam gepleýär. Grammatik many aňlatmakda analitik 
usullara eýedir. Ýazuwy 1803-nji ýyldan bäri latyn 
elipbiýiniň esasyndadyr. 
 
Taý dili- taý dilleriniň biridir. Ol Taýland 
Korollygynyň döwlet dili bolup durýar. Taý dilinde 27 
mln-dan hem köpüräk adam gepleýär.Merkezi, günorta, 
demirgazyk,demirgazyk-gündogar diýlip atlandyrylýan 
dört şiwesi bar. Edebi diliniň esasynda merkezi şiwe 
ýatýar. Grammatik gurluşynda goşulma arkaly söz 
üýtgedilişi amala aşyrýan dillere mahsus alamatlar bar. 
Sözleriň manysyny tapawutlandyrýan bäş sany owaz 
äheňleri bar. Bogun häsiýetli milli elipbiýi bar. Gadymy 

---

110 
ýazuw ýadygärligi bolan Ramakamhenga 1292-nji ýyla 
degişlidir. 
 
Tamil dili-drawid dillerine degişlidir.Hindistanyň 
günortasynda, Şri-Lankanyň demirgazygynda, singapurda 
ýaýrandyr. Bu dilde gepleýänleriň umumy sany 55 mln 
töweregidir. Diliň öz bogun ýazuwy bar. Gadymy ýazuw 
ýadygärlikleri b.e.öňki ikinji asyra degişli hasap edilýär. 
 
Tatar dili- türki dilleriniň biridir. Tatarystanda, 
Başgyrdystanyň, Mordowanyň, Çuwaşiýanyň birentek 
etraplarynda ýaýrandyr. Bu dilde 5,4 mln adam gepleýär. 
Grammatik gurluşy goşulma arkaly söz üýtgedilişi amala 
aşyrýan dillere degişlidir. Grammatik many aňlatmakda 
sintetik usullar agdyklyk edýär. Sözlük düzüminde arap, 
pars we rus dillerinden alnan sözler köpdür. Ýazuwy XII 
asyrdan 1927-nji ýyla çenli arap, soň latyn, 1939-njy 
ýyldan başlap rus elipbiýiniň esasyndadyr.