Turon nashr

Ички аудитнинг вазифалари (Objectives of internal audit).
Сўнгги йилларда ички аудиторнинг роли кенгайиб бормоқда, чунки ички аудиторлар бизнеснинг барча жиҳатларини (нафақат бухгалтерия ҳисобини) кузатиб боришга ва уларнинг ташкилотига қиймат қўшишга интилишади. Ички аудиторнинг иши ҳали ҳам раҳбарият томонидан белгиланади, аммо у қуйидаги кенг соҳалардаги вазифаларни қамраб олиши мумкин:
(а) Бухгалтерия ҳисоби ва ички назорат тизимларини кўриб чиқиш (Review of the accounting and internal control systems). Тегишли бухгалтерия ҳисоби ва ички назорат тизимларини яратиш менежмент ва директорларнинг масъулиятидир. Ички аудитга кўпинча қуйидаги вазифалар учун аниқ жавобгарлик юкланади:

• 
  Тизимларнинг мослашганилигини кўриб чиқиш;
  
• 
  Хатарларни баҳолаш ва батафсил синов орқали тизимларнинг ишлашини назорат қилиш;
  
• 
  Иқтисодий қарорларни қабул қилишда, бизнес самарадорлигини ошириш бўйича хулоса ва тавсияларни бериш.
  

Текшириш молиявий ва молиявий бўлмаган назоратни қамраб олади. (b) Молиявий ва операцион маълумотларни текшириш (Examination of financial and operating information). Бунга бундай маълумотларни аниқлаш, ўлчаш, таснифлаш ва ҳисобот бериш учун ишлатиладиган воситаларни кўриб чиқиш ва алоҳида маълумотлар бўйича аниқ сўров, шу жумладан битимлар, баланслар ва процедураларни батафсил синовдан ўтказиш киради.
(c) Иқтисодиёт, операциялар самараси ва самарадорлигини кўриб чиқиш;
(d) Қонунлар, қоидалар ва бошқа ташқи талабларга, ички сиёсат ва кўрсатмаларга ва бошқа талабларга мувофиқлигини кўриб чиқиш, шу жумладан битимларга тегишли хулосалар бериш;
(е) Активларни ҳимоя қилишни кўриб чиқиш (Review of the safeguarding of assets);
(f) Корпоратив мақсадларни амалга оширишни кўриб чиқиш (Review of the implementation of corporate objectives). Бунга режалаштириш самарадорлигини кўриб чиқиш, стандартлар ва сиёсатларнинг долзарблиги, компаниянинг корпоратив бошқарув процедуралари ва ахборот билан алоқа қилиш каби аниқ процедураларнинг ишлашини назорат қилиш каби вазифалар киради;
(g) Бизнес учун муҳим бўлган молиявий хатарларни аниқлаш, ташкилотнинг самарали ишлашини таъминлаш учун хатарларни бошқаришнинг умумий сиёсатини назорат қилиш ва хавфни назорат қилиш, уларнинг самарали ишлашини таъминлаш учун бошқарув стратегиясини ишлаб чиқиш.
(h) Муайян соҳалар бўйича махсус текширувлар, масалан, фирибгарликда гумон қилинган бўлимларни текшириш.