Umumiy pedagogika o‘zbekiston Respublikasi Oliy va o‘rta maxsus ta’lim vazirligi tomonidan darslik

Ta’lim natijasi (ta’lim mahsuli) - ta’lim yakunining mohiya-
tini qayd etuvchi tushuncha; o‘quv jarayonining oqibati; belgilan-
gan maqsadni amalga oshirish darajasi. 
Ta’limni boshqarish - ta’lim muassasalarining faoliyatini 
yo‘lga qo‘yish, boshqarish, nazorat qilish hamda istiqbollarini 
belgilash masalalarini o‘rganadi.
Ta’limning sinf-dars tizimi - dars shaklida muayyan o‘quv-
chilar guruhi bilan o‘quv rejasiga muvofiq tuzilgan aniq jadval 
bo‘yicha olib boriladigan ta’lim jarayoni.
Ta’lim tizimi - davlat siyosatining asosiy tamoyillari asosida 
yosh avlodga ta’lim-tarbiya berish yo‘lida faoliyat yurituvchi 
barcha turdagi ta’lim muassasalari majmui. 
Ta’lim shakli - ta’lim jarayonining tashkiliy tuzilmasi. 
Tizim (mustaqil tushuncha sifatida) - o‘zaro bog‘langan 
ko‘plab elementlar (tarkibiy qismlar) o‘rtasidagi mustahkam birlik 
va o‘zaro yaxlitlik. 
Tiflopedagogika - (yunoncha typhlos - ko‘r) – ko‘rish qobi-
liyati buzilgan bolalarni o‘qitish, tarbiyalash va rivojlantirish mu-
ammolarini o‘rganuvchi fan; korreksion pedagogika (defektolo-
giya)ning muhim sohasi. 

---

510 
Test - aniq maqsad asosida muayyan holat darajasini sifat va 
miqdoriy ko‘rsatkichlarda belgilashga imkon beruvchi sinov 
vositasi. 
Topshiriq - o‘quvchilarda mehnat, ijtimoiy xulq va hayotiy 
tajriba ko‘nikmalarini shakllantirish maqsadida qo‘llaniladigan 
usul. 
Tushuntirish - o‘quv materiali mazmunini isbot, tahlil, umum-
lashma, taqqoslash asosida bayon qilish. 
To‘garak - o‘quvchilarning qiziqish va qobiliyatlarini rivoj-
lantirish maqsadida sinfdan yoki maktabdan tashqari sharoitda 
uyushtiriluvchi qo‘shimcha ta’lim shakli. 
Taktika - bosh maqsad yo‘lida xususiy, oraliq masalalarni
hal qilishga yo‘naltirilgan harakatlarni tashkil qilish usuli. 
Pirovardida strategik maqsadlarga ko‘proq samara bilan erishishni 
ta’minlash uchun sharoitning o‘zgarishlarini mos ravishda hisobga 
olish.