University of economics and pedagogy

Antonimlar
grekcha anti – “zid”, “qarama-qarshi” , onoma yoki onyma “nom” degani bo‘lib, qarama-qarshi tushunchalarni ifodalaydigan so‘zlardir.
Argo so‘zlar	(fransuzcha argot – “lahja” degani) o‘g‘rilar, bezorilar, qimorbozlar o‘rtasida ishlatiladigan yashirin ma’noli so‘zlardir: loy, yakan (barchasipulma’nosini bildiradi), bedana (to‘pponcha), zamri (qimirlama), atamri (ishingni davom ettir), shuxer (qoch), va b.
Arxaik so‘zlar	hozirda mavjud bo‘lgan narsa-hodisalarning eskirib qolgan atamalaridir; bunda so‘z eskiradi, lekin tushuncha eskirmaydi, u boshqa so‘z bilan ifodalanadigan bo‘lib qoladi. Bunday so‘zlar iste’moldan chiqish arafasida turgan, hozirgi tilda sinonimi bo‘lgan so‘zlardir (qavs ichida hozirgi tildagi sinonimlari berilgan): rayon (tuman), ekspress (tezyurar), oblast (viloyat), vrach (shifokor), xirurg (jarroh), injener (muhandis), redaktor (muharrir), redaksiya (tahririyat), ulus (xalq), bitik (yozuv) ...
Assimilyatsiya	qator kelgan nutq tovushlarining bir-biriga ta’sir qilib o‘ziga moslashtirishidir.
Bo‘g‘in	O‘pkadan chiqayotgan havo to‘lqiniga bir zarb berish bilan aytiladigan tovush yoki tovushlar yig‘indisi: ki-tob-lar, o-i-la.
Dialog	ikki kishining nutqi
Dialekt	sheva va lahja tushunchalarini birgalikda ifodalaydi
Dissimilyatsiya	ikkita o‘xshash tovushning noo‘xshash bo‘lib qolishidir.
Dominanta	sinonimik qatordagi boshqalarga nisbatan faol ishlatiladigan, adabiy tilga xos bo`lgan, uslubiy bеtaraf so`z